Dismayado si Bacolod City Legal Officer Atty. Joselito Bayatan angut sa kahimuan sang pila ka mga persona nga responsable sa pag palapta sang fake news paagi sa text kag Social media.
Ini ang reaksyon ni Bayatan angut sa naglapta nga mensahe kag alegasyon nga may yara sa pila ka grupo nga naga plano sa pag himo sang legal nga aksyon batuk sa lokal nga panguluhan sang syudad angut sa implementasyon sang MECQ.
Suno kay Bayatan, wala sang kamatuoran ang amo nga balita bangud mismo ang retirado nga Judge nga na gamitan ang ngalan sa amo nga propaganda ang nag nagklaro nga wala ini sang kahilabtan sa amo nga plano.
Dugang pa ni Bayatan, pila ka mga personalidad ang ila sa karon nga gina tutukan nga amo ang gina patihan nga yara sa likod sang pagpalapta sang sala nga impormasyon.
Padayon pa sa karon ang ila pagtipon sang dugang nga mga ebidensya para sa paghimo sang legal nga aksyon sa palaabuton. | Aksyon Art Tayhopon
