BACOLOD CHO WALA NAGA PABOR NGA AMYENDAHAN ANG CURFEW ORDINANCE; COUNCILOR BARIBAR LIWAT NGA MAGA PATIGAYON SANG COMMITTEE CONFERENCE

Share on facebook
Share on google
Share on pinterest
Share on twitter
Share on print

Wala sa karon naga pabor ang Bacolod City Health Office sa gina duso sang hanay sang negosyante nga i-adjust ang pagpatuman sang curfew sang Bacolod umpisa las 12 sang tungang gab-i tubtob las 4 sang kaagahon.

Ini ang gin pabutyag ni Dr. Luz Ma-apni ang tiglawas sang CHO sa committee conference nga gin patigayon ni Councilor Archie Baribar kaina sang hapon, Hulyo 6.

Sa committee conference, gin pahayag ni Dr. Ma-apni, nga posible mapasugot ang CHO nga amyendahan ang ordinansa sa tion nga mag nubo ang Covid-19 cases, mag operate na ang biolab sa Corazon Locsin Montelibano Memorial Regional Hospital ma regulate ang pag papuli sang mga Locally Stranded Individual kag maibanan ang backlogs sang mga test result.

Liwat nga maga patigayon si Baribar sang isa pa ka committee conference angut sa pangabay sang hanay sang negosyante.

Suno kay Baribar, sa ikaduha nga conference, iya pamatian ang bahin sang City Mayor’s Office, Bacolod IATF, Permits and Licensing Division, Liga ng mga Barangay kag iban pa.

Gin palambot sang hanay sang mga negosyante kay Baribar nga madamo na sang negosyo nga nag sira bangud sa pandemya kag may negosyo nga nag sira sang tatlo ka bulan pero nabudlayan na sa liwat nga pag operar bangud sa sitwasyon kag sa curfew ordinance.

Suno sa Konsehal, valid ang pangabay sang mga negosyante kag ila ini gina konsiderar bangud dapat ma balanse ang sitwasyon sa ikaayong lawas kag ang ekonomiya.

Gin pahayag ni Lt. Col. Levy Pangue, Deputy City Director for Administration sang BCPO, nga handa mag adjust ang kapulisan sa pagpatuman sang curfew depende sa kasugtan sang mga opisyal.

Suno kay Pangue, kon basehan ang ila record, sang gin patuman ang curfew sa syudad, nag nubo ang crime rate kag ang traffic accidents sa Bacolod.

Base sa records sang BCPO, humalin Marso tubtob Hulyo 2, 4,354 na ang nag lapas sang curfew ordinance. | Aksyon Dale Salazar

MORE STORIES:

LIKE US ON FB

error: Ooops... You are not authorized to copy this content.