BACOLOD CDRRMO KAG APAT KA BARANGAY NAKABATON SANG TAG ISA KA AMBULANSYA

Share on facebook
Share on google
Share on pinterest
Share on twitter
Share on print
(Bacolod PIO Photo)

Pormal nga gin turn over ang 5 tanan ka mga bag-o nga ambulansya para sa apat ka mga barangay sa syudad sang Bacolod kag isa sa bahin sang City Disaster Risk Reduction Management Office kaina sang hapon, Hwebes.

Suno kay Executive Assistant kag CDRRMO cluster head Jomarie Vargas, ang pondo nga gin gamit sa pagbakal sang amo nga mga salakyan ang ginkuha sa special trust fund nga alokasyon sang iya talatapan tinalikdan nga tuig.

Dugang pa ni Vargas, ang bag-o nga unit sang ambulansya para sa CDRRMO ang natalana nga paga gamiton sang iya talatapan para sa pag responde sa mga medical cases kag mga insidente nga naga luntad sa palibot sang syudad, bangud ang duha pa ka mga unit sang iya talatapan ang naka sentro lamang sa pag responde sa kaso sang Covid-19.

Ang lima ka mga ambulansya ang naga balor sang P14.190 Million pesos ukon P2.838 Million pesos ang kada isa ka unit.

Nangin benepisaryo sang amo nga proyekto ang mga Barangay sang Felisa, Mansilingan, Villamonte kag Vista Alegre.

Samtang, naga laum si Vargas nga ma deliver na sini nga bulan sang Hulyo ang mga equipment nga gin bakal sang syudad nga paga gamiton sang iya talatapan para sa ila operasyon sa tion sang maulanon nga panahon.

Suno kay Vargas ini nga mga equipments ang naga lakip sang lima ka mga truck, isa ka amphibious excavator, isa ka gamay nga backhoe loader kag duha ka mga service vehicle para sa iya opisina.

Yara na sa Metro Manila ang ini nga mga equipments ilabi na ang excavator nga gin bakal sang syudad gikan sa pungsod Italy. | Aksyon Art Tayhopon

MORE STORIES:

LIKE US ON FB

error: Ooops... You are not authorized to copy this content.