BACOLOD ASF ORDINANCE PASADO NA SA PINAL NGA PAGBASA

Share on facebook
Share on google
Share on pinterest
Share on twitter
Share on print

Pasado na sa third kag final reading ang pagtukod African Swine Fever ukon ASF Task Force sa syudad sang Bacolod. Ini ang unanimous nga gin aprubahan sang Sangguniang Panlungsod sa regular session, Pebrero 19.

Ang ordinansa ang gin author ni Councilor Wilson Gamboa Jr. samtang co-author naman si Councilor Bartolome Orola Sr.

Suno kay Gamboa, ang amo man nga task force ang maga panguna man sa tion nga may mga emerging kag re-emerging infectious diseases sa mga kasapatan.

Ang alkalde ang maga serbe nga chairman sang task force samtang ang City Veterinarian ang vice-chairman. Sa idalum sang ordinansa, 500 mil pesos ang pondo nga usaron sang syudad sa kampanya batuk sa ASF.

Ginakabig ni Gamboa nga dako nga bulig ang ordinansa para mapang apinan ang hog industry sang Bacolod kag Negros Occidental.

Ang Visayas sa karon ang naga pabilin nga ASF Free kasunod nga ang masakit ang nag apekto na sa pila ka mga lugar sa Luzon kag Mindanao.

MAYOR BING NAGKLARO NGA ANG 650K DOSES SANG BAKUNA ANG INDI BALOR 300M

Ginklaro ni Bacolod Mayor Evelio Leonardia nga indi 300 million pesos ang balor sang 650,000 doses sang bakuna nga ginbakal sa AstraZeneca.

Suno kay Leonardia, ang ini nga isyu ang ginausar sang iya kontra sa pulitika para mapatalang ang tawo.

Dugang pa ni Leonardia, ang 650,000 doses ang first order pa lamang.

Ginpaathag ni Leonardia nga indi niya pag mapalayag ang presyo sang bakuna bangud may yara sang confidentiality agreement.

“There are people using that to mislead, ang mga kontra ko sa politika bala.  They are trying to make it appear nga ang 300M is the budget for 650,000 doses. No. The 300M is the budget. The 650,000 doses is just our first order.  So it’s not 300M,” suno kay Leonardia.

Sa nahibaluan, ang Bacolod ang yara sa ikalima nga LGUs sa Pilipinas nga nagpain sang dako nga pondo para sa pagbakal sang bakuna kaangay sang Davao City, Quezon City, Makati City, kag Manila. | Aksyon Dale Salazar

NUMBER 1 MOST WANTED SANG HPG REGION 6, NADAKPAN

Priso sa Police Station 4 si Carlo Claro, 37 anyos, residente sang Brgy. 20, syudad sang Bacolod matapos gin-aresto sang otoridad sa kaso nga carnapping.

Suno kay Negros Occidental Highway Patrol Group head Police Major Robelito Mariano, si Claro ang ginakabig nga number 1 Regional 6 HPG most wanted person kag responsable sa pagpangawat sang mga motorsiklo sa syudad sang Bacolod kag probinsya.

Dugang pa ni Mariano, nadakpan si Claro paagi sa warrant of arrest nga gin issue sang korte kag may piyansa nga 300,000 pesos. | Aksyon Alvin Grava

MORE STORIES:

LIKE US ON FB

error: Ooops... You are not authorized to copy this content.