Wala pa makabatun ang Bacolod City Water District ukon BACIWA sang sulat halin sa Metro Bacolod Chamber of Commerce and Industry ukon MBCCI angot sa plano nga pag panguseho sa estado sang Bacolod Bulk Water Incorporated (BBWI).
Sa interview sa Aksyon Firing Line, gin pahayag ni BACIWA Asst. General Manager B for Operations Engr. Jenelyn Gemora, sa iya personal, wala siya sang may nabatun nga komunikasyon apang kon may yara na sigurado nga gilayun man ini nga ipalab ot sa ila para masabat.
Suno pa kay Gemora sa karon, padayon ang ginahimu nga negosasyon sang BBWI sa tag iya sang pila ka lote nga malabayan padulong sa injection point partikular na sa sur nga bahin sa siudad.
Sa isyu naman angut sa gin alegar balayran sang BACIWA sa BBWI, gin pahayag ni Gemora nga may yara na sang gin kasugtan ang duha ka partido angot sa amo nga isyu.
Subongman, nangabay si Gemora sa mga konsomidor sang pag hangop kasunod nga nakaangkon sila sang problema sa proyekto lakip na kon ano ang nakasaad sa kontrata.*Aksyon Firing Line