BACIWA EMPLOYEES UNION PADAYUN NGA GINA KWESTYON ANG JOINT VENTURE AGREEMENT SANG WATER DISTRICT KAG PRIME WATER

Share on facebook
Share on google
Share on pinterest
Share on twitter
Share on print

Ginakwestiyon sang BACIWA District Employees Union ang pagperma sang mga miembro sang mga Board of Directors sang Joint Venture Agreement (JVA) sa tunga sang BACIWA kag Prime Water.

Ginakabig sang union nga isa ka “betrayal” sa mga empleyado kag konsumedor ang ini nga tikang. Suno sa Presidente sang BACIWA Employees Union nga si Leni Espina, sa piyak sang wala untat nga pagpabutyag sang pagpamatok sang Union sa JVA nagapabilin sa gihapon nga bulag kag bungol ang mga Board of Directors sang BACIWA.

Nagahingyo karun ang grupo ang ipakita sa publiko ang kaundan sang JVA para sa transparency.

Sa press conference nga ginpatigayon, ginpresentar sang grupo ang mga gin-aligar kapaslawan sang Prime Water sa pagdumala sang nagkalain-lain nga mga water districts sa Pilipinas.

Ginpahayag ni Espina nga makabig nga “done deal” na pagdumala sang Prime Water sa BACIWA apang ginpanindugan nga wala ini nagakadulaan sang paglaum nga mapunggan ang ini nga plano agud maproteksyunan ang kinamatarong sang mga konsumedor kag mga empleyado.

Nagapanawagan man sang bulig ang Union sa lokal nga panguluhan sa syudad sang Bacolod agud mapunggan ang plano nga JVA.

Suno kay Espina nga sa tanan nga mga opisyales sang syudad si Councilor Wilson Gamboa gid lamang ang nagpanindugan kag nag-upod sa ila kausa.

Nagapati si Espina nga ini na ang nagakaigo nga tion agud mapakita sang mga opisyales ang ila pag-ulikid sa mga pumuluyo.

Madumduman nga 25 mil ka mga konsumedor sang BACIWA ang nagperma kag 15 ka mga barangays sa syudad sang Bacolod ang nagpalab-ot sang pagpamatok sa joint venture. | Aksyon John Diaz

MORE STORIES:

LIKE US ON FB

error: Ooops... You are not authorized to copy this content.