Na-record sa banwa sang Moises Padilla ang pinakabata nga Covid-19 patient sa Western Visayas nga isa ka duha ka bulan nga lalaki nga isa ka Locally Stranded Individual.
Ang bata ang Patient 95 sang Negros Occidental kag asymptomatic.
Sa interview sang Aksyon Firing Line, gin pahayag ni Dr. Lyle Love Luoise Ladera, Municipal Health Officer sang Moises Padilla, nag abot sa probinsya ang bata, ang iya iloy kag ang iya tiyo sadtong Hunyo 21 sakay sa Air Asia.
Suno kay Ladera, pending pa sa karon ang resulta sang Covid-19 test sang iloy kag iya tiyo nga parehas nga wala sang sintomas nga gina batyag.
Ang pasyante, ang nanay kag ang tiyo ang naga istar sa isa ka boarding house sa Quezon City.
Gina lantaw ni Ladera ang pila ka posibilidad nga nakuha sang pasyente ang virus sa Quezon City ukon ukon pag byahe humalin Manila padulong sa probinsya.
Sa karon, gindala ang nanay kag ang pasyente sa Provincial Healing Center sa banwa sang E.B Magalona.
Ang Moises Padilla ang may apat ka aktibo nga kaso lakip na ang duha ka bulan nga bata nga lalaki. | Aksyon Dale Salazar