BABAYE PATAY MATAPOS GIN SALBAR ANG IYA IDO SA NASUNOG NGA BALAY

Share on facebook
Share on google
Share on pinterest
Share on twitter
Share on print

Patay ang isa ka babaye matapos nga na trap sa sunog sang iya gin tinguhaan nga ma-rescue ang iya ido sa Lomboy Street, Capitol heights Subdivision, Barangay Villamonte, syudad sang Bacolod takna las 6:17 sang aga, Mayo 21.

Suno kay Bacolod City Fire Marshall Chief Inspector Publio Ploteña, ang napatay ang ginkilala kay Michelle Mirasol, 35 anyos.

Sa inisyal nga pagpangusisa, nakagwa na sa ila balay si Mirasol kaupod ang iya mga ginikanan nga tag iya sang balay kag ang iya sini nga bata apang nagdesisyon nga magbalik sa sulod sang nagakasunog na nga balay para i-rescue ang iya mga ido nga shihtzu.

Nakita sang otoridad ang bangkay sang biktima sa banyo nga posible na-suffocate nga amo ang gintunaan sang iya kamatayon.

Palayag ni Ploteña, bulubanta 100,000 pesos ang kahalitan sang sunog nga nag-umpisa sa wirings sang kisame.

Gin-abisuhan naman ni Ploteña ang mga pumuluyo nga kon may mga kaangay nga insidente, indi na magbalik para sa iban nga kagamitan kag unahon ang kaugalingon bangud isa lang ang kabuhi. | Aksyon Eden Aboso, Aksyon Alvin Grava

MORE STORIES:

ANU ANG IMO MA KOMENTO?

error: Ooops... You are not authorized to copy this content.