BABAYE NGA NASAPWAN NGA GIN LUBONG SA LA CARLOTA CITY MAY APAT KA PILAS TUGA SANG PAG LUTHANG

Share on facebook
Share on pinterest
Share on twitter
Share on print

Naguwa nga resulta sa post mortem examination sa bangkay ni Juliet Mercader nga may apat ka pilas sa ulo kag liog.

Suno kay Lt. Col. Joenel Guadalupe, hepe sang La Carlota PNP, posible nga duha lang ang igo sa ulo ni Mercader, apang gin – isip man ang duha nga pilas nga dira naguwa ang bala, gani nga nag-apat ang pilas sini.

Dugang ni Guadalupe, wala ginpatay ang biktima sa lugar nga dira siya ginlubong, sa diin ang mga residente nga malapit sa lugar wala makabati sang lupok.

Ginahulat man sang La Carlota PNP kun nagdesisyun ang pamilya sini sa Cebu nga ipa-autosy ang bangkay, agud mahibal-an kun nahimuslan man ini. Nahibal-an, wala sang panapton si Mercader kag nahigdaan nalang ini.

Malayo man ang posibilidad nga ginhold-up ini, bangud yara malang ang iya personal nga gamit. Wala man ginadula ang kaangtanan sini sa iligal nga druga, bangud ang bana sini napatay sa operasyon sa amo nga aktibidad.

Sa padayon nga pangusisa sang otoridad, antis pa nasapwan si Mercader, may mga nakakita sa iya nga may upod ini nga isa ka babaye kag tatlo ka lalaki sa isa ka palaligoan.

Ginhibalo subong kun diin ang salakyan nga ginsakyan nila, basi man sa imbestigasyon sang Murcia PNP nga antis gin-operate ang bana sini nga si Jenifer Mercader sa Barangay Minoyan, Banwa sang Murcia una na nga nakalakat si Juliet kag nag-upod sa isa ka wanted nga persona.

Karun sini, ginasigurado pa sang La Carlota PNP ang pagpaguwa sang iban nga impormasyon batok sa mga suspetsado.

Madumduman, si Juliet nasapwan nga nalubong sa Barangay San Miguel, syudad sang La Carlota pila ka adlaw nakaligad sang napatay man ang iya bana nga si Jenifer. | Aksyon Bryan Morden

What’s your Reaction?
+1
0
+1
0
+1
0
+1
0
+1
0
+1
0
+1
0

MORE STORIES:

LIKE US ON FACEBOOK

error: Ooops... You are not authorized to copy this content.