BABAYE NGA MAY DIPERENSYA SA PAMINSARON GINKASTIGO NI KAP?

Share on facebook
Share on google
Share on pinterest
Share on twitter
Share on print

Nag reklamo sa Aksyon Radyo Bacolod si Ronilo Magallanes Fernandez matapos gin alegar gin kastigo sang kapitan ang iya 27 anyos nga babaye nga manghod nga may deperensya sa paminsaron sa Brgy. Bagonawa, banwa sang San Enrique.

Suno kay Fernandez, 11:40 sang gab-i, Abril 24, sang nakita ni Punong Barangay Arlo Aplasca nga gin alegar naka inom sang makahulubog nga ilimnon ang iya nga manghod nga naga higda sa kilid sang dalan.

Dugang pa ni Fernandez, base sa mga testigo, gin pukaw sang Kapitan ang biktima kag gin alegar nga gin kastigo.

Ang biktima ang nakaangkon sang bukol sa ulo, nag dugo ang baba kag naga pangluya.

Suno kay Fernandez, may mga bes nga naga gwa ang iya nga manghod nga indi nila ma monitor pero nakibot na lamang sila sang nahibaluan ang gin dangatan sang biktima.

Napa blotter na sang Pamilya Fernandez ang insidente sa kapulisan kag pursigido nga mag pasaka sang kaso.

Naga panawagan si Fernandez sang hustisya para sa iya manghod nga dapat intiendihon bangud sa iya nga sitwasyon.

Gintawgan sang Aksyon Radyo ang kapitan pero naga ring ang iya nga cellphone kag wala naga sabat.

Naga pabilin nga bukas ang Aksyon Radyo para makasabat si Kapitan sa alegasyon batuk sa iya.

BACOLOD MAY YARA NA LAMANG SANG 10 KA VACCINATION CENTERS

May yara na lamang sang 10 ka mga vaccination centers ang syudad sang Bacolod para sa pagbakuna sa tion nga mag abot na ang Covid-19 vaccines.

Suno kay Councilor Renecito Novero, chair sang vaccination action center team, humalin sa 22 ka proposed vaccination centers, ini ang ginpanubuan sa 10, base man sa ginkasugtan sa damlag lang pagsinapol sang Covac council.

Ginpaathag ni Novero, nagakaigo na ang pulo ka vaccination centers bangud kon pasubrahan posible indi ini masarangan sang mga healthcare personnel, resources, ukon logistics. Ang vaccination centers ang nahamtang sa strategic areas.

Sa karon, indi pa mapalayag ni Novero ang lugar bangud ginavalidate pa ini sang iya team, Bacolod City Health Office, City Engineer’s Office kag iban pa.

Ang syudad ang una na nga nagbakal sang 650,000 doses sang vaccine gikan sa AstraZeneca pero wala pa mahibaluan kon san-o ini maga-abot. | Aksyon Dale Salazar

LALAKI, PATAY MATAPOS GINTIRO SA SILAY

Nagatakilid sa semento kag wala na sang kabuhi ang isa ka 54 anyos nga lalaki sang luthangon sa Kalye Onse, Barangay Mambulac, Syudad sang Silay kaina sang aga.

Ang biktima ginkilala kay Rodulfo A. Cain Jr ” Jun Kumpol” pamilyado kag nagapuyo sa amo man nga Barangay.

Sa imbestigasyon sang Silay PNP sa pagpanguna ni PLt. Guilmor Cuare, Deputy of Police, nagapangape gid lamang ang biktima sang mag-abot ang duha ka suspetsado sakay sa motorsiklo kag ginluthang sang makaduha ka beses igo sa liog tunaan sang iya kamatayon.

Ang otoridad nakarekober sang duha ka cartridge sang kalibre 45 sa lugar sang insidente.

Suno sa otoridad, ang biktima isa ka street level individual kag naaresto naman sadto.

Karun sini, padayon pa ang imbestigasyon sang otoridad sa motibo sang krimen kag pagkilala sa mga suspetsado. | Aksyon Bryan Morden

MORE STORIES:

LIKE US ON FB

error: Ooops... You are not authorized to copy this content.