Arestado ang isa ka babaye sa buy bust operation sang Police Station 2 sa Purok Sigay, Brgy. 2 syudad sang Bacolod.
Ang nadakpan ginkilala kay Deche Rose Duadores, 22 anyos, residente sang Purok Sigay, Brgy. 2 syudad sang Bacolod.
Suno kay Police Station 2 Commander Police Captain Leo Estopa, si Duadores ang live-in partner sang isa ka drug personality nga una na nadakpan sang mga kapulisan.
Narekober kay Duadores ang tatlo ka dalagko nga sachet sang ginasuspetsuhan shanu nga nagabug-at sang 11 gramos kag ginabulubanta nagabili sang 74 mil (74,000) pesos; drug paraphernalia kag marked money.
Si Duadores isa ka street level individual kag yara sa watchlist sang kapulisan.
Priso si Duadores sa custodial facility sang Police Station 2 para sa nagakaigo nga disposisyon. | Aksyon John Diaz