AWARDING SA PINAKAMATINLO NGA BARANGAY, PATIGAYUNON

Share on facebook
Share on google
Share on pinterest
Share on twitter
Share on print
Bwas nga adlaw, Nobiembre 13, patigayunon ang awarding ceremony sa “Search for the Cleanest, Greenest, and Most Well-Managed Solid Waste Management (SWM) Program” sa MassKara Hall, sa Bacolod Government Center takna las 10 sang aga. 
Suno kay City Councilor Cindy Rojas, chairman sang committee on environment and ecology, duha na ka bes nag patigayon ang syudad sang evaluation sa 61 ka barangay para sa urban kag rural categories. 
Ang malakip sa top 5 sa kada category ang maga daug sang 100 mil tubtob 350 mil nga balor sang project samtang may 10 naman ka barangay ang makabaton sang consolation prize nga 20 mil nga balor sang proyekto. 
Ang maga daug suno sa konsehal ang magaserbe nga modelo agud sundon sang iban nga barangay may kompetisyon man ukon wala. 
Suno pa kay Rojas, magapangabay ini kay Mayor Evelio Leonardia nga himuon nga tuigan ang ini nga kompetisyon.*Aksyon Dale Salazar

MANGUNGUMA PATAY MATAPOS GINTIRO SANG GWARDYA

Patay sang gindangat sa Hinigaran Emergency Clinic ang isa ka mangunguma sang luthangon sa Hacienda Bail, Barangay Tuguis, Banwa sang Hinigaran kahapon, Myerkules sang aga.

Ang biktima ginkilala nga si Julius Denagiba, 35 anyos, pamilyado kag nagapuyo sa amo man nga lugar, samtang ang suspetsado nga gwardiya ginkilala kay Rogel Belonio, 55 anyos, pamilyado kag nagapuyo sa Barangay Singcang Airport, syudad sang Bacolod.

Suno kay PMaj Jake Barila, hepe sang Hinigaran PNP, nagpaharab sang karbaw ang anak kag hinablos ni Denagiba malapit sa duta nga ginabantayan ni Belonio.

Pila ka minutos nag-abot ang biktima sa lugar kag nagbaisay sila sang suspetsado tubtob nga ginluthang ini gamit ang 12 gauge shotgun.

Naka-angkon sang malubha nga pilas si Denagiba nga gindeklarar nga patay sa clinic sa Hinigaran.

Padayon pa ginapangita si Belonio kag isa pa ka gwardiya nga upod sini nga si Eric Soriano sang San Isidro, Banwa sang Pontevedra tanan sa idalum sang RHN Security Agency.

Ang biktima isa lang sa madamo nga benepisyaryo sa amo nga duta nga ginapanag-iyahan sang pamilya Magallanes, apang wala pa sang CLOA. 

Dugang ni Barila, bangud nga benepisyaryo ini may daan na nga indi pag-intindihanay ang nga blue guards kag ang mga bepisyaryo sang duta nga ila ginabantayan.

PH FLAG SA BGC KAG PROVINCIAL CAPITOL NAKA HALF-MAST KASUNOD SANG PAGTALIWAN NI ANAY PRESIDENTE BENIGNO AQUINO

Parehas nga naka half-mast ang hayahay sang Pilipinas sa Bacolod Government Center kag sa Kapitolyo Probinsyal.

Ini bilang pagpakita sang respeto sa nagtaliwan nga si anay Presidente Benigno Aquino III kaina sang aga, Hwebes.

Si Mayor Bing Leonardia ang nag isyu sang Executive Order No. 33 series of 2021 nga naga mando nga i-half-mast ang tanan nga PH flag sa syudad sang Bacolod.

Sa mensahe ni Leonardia, ginpahayag nga nagbugtaw ang bug-os nga pungsod sa masubo nga balita angut sa wala gina paabot nga pagtaliwan sang anay Presidente.

Nagapasalamat si Leonardia sa pagserbisyo ni Aquino para sa mga pumuluyo sa pungsod.

Nagapasalamat si Leonardia sa pagserbisyo ni Aquino para sa mga pumuluyo sa pungsod.

Samtang, nagpabutyag sang kasubo si Vice Mayor Elcid Famillaran sa natabo nga pag taliwan ni Aquino.

Suno kay Famillaran, indi man sila personal nga kilalahay ni Aquino, apang nangin partymate sini sa Liberal Party si Aquino sadtong tiyempo nga ini ang napilian bilang konsehal sang Bacolod.

Dugang pa ni Famillaran, ang pagtaliwan ni Aquino ang isa ka klaro nga manipestasyon nga tanan kita sigurado nga madula sa kalibutan apang wala lamang mahibaluan ang pat-od nga tiyempo.

MORE STORIES:

LIKE US ON FB

error: Ooops... You are not authorized to copy this content.