MENU

AVM BERNARDO GIN HUGTAN ANG PROSESO SA PAG IHAW SANG SAPAT BANGUD SA ASF

  • at 5:14 pm
Share on facebook
Share on pinterest
Share on twitter
Share on print

Gina patuman sang AVM Bernardo Slaughterhouse ang seguridad sa ila nga planta kasunod sang pamahog sang African Swine Fever ukon ASF.

Suno kay Plant Manager Glorydee Cometa, ila gina abi-abi ang tanan nga baboy nga naga sulod sa slaughterhouse pero dapat ini ang una nga ma paidalum sa ante-mortem examination sang City Veterinary Office.

Gin paathag ni Cometa, umpisa nag gwa ang balita angut sa ASF, nag pahamtang sila sang dugang nga proseso antes ihawon ang sapat kaangay sang ‘foot bath’ nga may disinfectant sa quarantine area para mahibaluan kon may bacteria ang sapat.

Suno kay Cometa, wala pa sang baboy nga gin dala sa ila planta nga apektado sang ASF.

Samtang, gin pahayag man ni Cometa nga nag hagan-hagan ang iligal nga pag ihaw sang sapat sa syudad bangud aktibo man ang kampanya sang Task Force Botagoy batuk sa iligal nga pag ihaw. | Aksyon Dale Salazar

What’s your Reaction?
+1
0
+1
0
+1
0
+1
0
+1
0
+1
0
+1
0

PAGDEKLARAR SANG STATE OF CALAMITY SA NEG OCC, GINPANGABAY SANG UNIFED

April 19, 2024

Gin-apelar ni United Sugar Producers Federation (Unifed) President Manuel Lamata, kay Governor Bong Lacson , Vice Governor Jeffrey Ferrer kag mga Provincial Board Members nga magdeklarar sang state of calamity sa Negros Occidental.

Suno kay Lamata, isa ini sa mga pamaagi para makabakal sang kaugalingon nga eroplano ang gobyerno probinsiyal agud usaron sa cloud seeding operations.

Dugang ni Lamata, nga nagakinahanglan na subong sang tubig ang mga katubuhuan nga apektado sang El Niño phenomenon.

Una diri ginpangabay ni Fifth District Cong. Dino Yulo ang Bureau of Soil and Water Management (BSWM) nga i-reassess ang ila desisyon nga nagapamatuk sa cloud seeding bangud sa kakulang sang seedable clouds kag posible kahalitan sa mga kapahuan sa San Carlos kag Guimaras.

What’s your Reaction?
+1
0
+1
0
+1
0
+1
0
+1
0
+1
0
+1
0

TUBTOB MAYO 30 GINPANGABAY SANG MGA NAGA NEGOSYO SA VENDORS’ PLAZA

April 19, 2024

Nagapangabay si Kapitan JR Alcantara sang Barangay 12 sang dugang nga 15 tubtob 30 dias para maka preparar kag makasaylo ang mga nagabaligya pa sa vendors’ plaza.

Una nga ginpahayag ni City Legal Officer Atty. Romeo Carlos Ting Jr., nga sa pag abot sang Lunes, Abril 20, pwersa nga pahalinon ang nabilin nga nagabaligya sa lugar kon indi boluntaryo nga magbiya matapos ang demand letter nga ginpapanaug.

Suno kay Alcantara, madugay na nga nagabaligya sa lugar ang mga naga karenderya antes paman gintukod ang vendors’ plaza.

Suno kay Alcantara, nagapangabay ini sang human consideration sa mga ma apektuhan nga ma plastar ang mga magagmay nga negosyante antes nga pahalinon lakip man ang financial assistance.

Liwat nga ginatindugan ni Alcantara ang pahayag sadto ni Mayor Albee Benitez nga wala sang demolisyon nga matabo kon wala pa maplastar ang sayluhan.

Ginpahayag sang Kapitan, gina comply pa sang iban nga residente ang requirements para sa relocation site sa Barangay Vista Alegre.

Sa record sang BHA, sa 64 ka kwalipikado nga pamilya, 35 na ka pamilya ang nakabaton sang award nga lote sa relocation site.

Suno kay Jerry Badayos, 50 anyos, 10 ka tuig na siya nga naga tyangge sa amo nga lugar kag ini ang nagaserbe sini nga palangabuhian.

Suno kay Badayos, sa meeting nila kaupod kay kapitan, nagpangayo sila sang bulig para nakalambot kay Mayor Albee Benitez ang ila pangabay nga makatiner kag makabaligya tubtob pa sa Mayo 30 kag indi sa adlaw nga ginhatag sang City Legal Office nga tubtob nalang sa Abril 22.

Ginapangabay man ni Badayos nga mahatagan sila sang pwesto sang syudad para makapadayon sa pagbaligya.

What’s your Reaction?
+1
0
+1
0
+1
0
+1
0
+1
0
+1
0
+1
0

MORE STORIES:

LIKE US ON FACEBOOK

error: Ooops... You are not authorized to copy this content.