ARMY RESERVIST KAG DUHA KA CONSTRUCTION WORKERS PILASON SA AKSIDENTE
Posted by:
News Desk
|
May 4, 2020
at
5:31 pm
Share on facebook
Share on pinterest
Share on twitter
Share on print
Pilason ang duha ka construction worker kag isa ka army reservist matapos nagbunggo-anay ang ginadala nila nga trisikol kag motorsiklo sa Purok Tultogan Circumferential Road, Brgy. Mandalagan, syudad sang Bacolod kaina sang aga, Mayo 4.
Gindala sa Corazon Locsin Montelibano Memorial Regional Hospital ang army reservist nga si Renato Galingayo nga pumuloyo sang Brgy. E Lopez, syudad sang Silay kag driver sang Suzuki Raider.
Na-fracture ang kamot kag tiil ni Galingayo sang gindala sang EMS rescue group sa hospital.
Na-fracture man ang tiil sang construction worker nga si Remedian Garida nga yara nagasakay sa front-seat sang trisikol. Samtang bagras naman ang na-angkon ni Renante Magbanua nga back rider.
Yara naman sa costudial facility sang Police Station 3 si Jicart Magbanua nga amo ang driver sang trisikol.
Suno kay Police Corporal Ian Baylon, traffic investigator sang Police Station 3 gulpi lang nagliko pawala ang trisikol rason nga natabo ang aksidente. | Aksyon Eric Magbanua
Ginkumpirmar ni Mayor Albee Benitez nga may yara sang penalidad nga atubangon si BTAO Head Patrick Lacson.
Ini angut sa duha ka mga isyu nga ginapangatubang ni Lacson lakip na ang pagdala sang salakyan sang MABB Cab sa iya balay kag pagkakas sang logo kag ang memorandum nga ginpapanaug angut sa quota system sang mga traffic enforcers.
Sa interview sang media, Myerkules, ginpahayag sang Alkalde, magapungko pa ang City Legal Office kag ang grievance committee kon ano nga konsekwensya ang ipapanaug batuk kay Lacson.
Suno sa Alkalde, magapabilin nga BTAO head si Lacson samtang ginahulat ang tikang sang CLO kag grievance committee.
Gina imbestigahan sang syudad sang Bacolod ang gin alegar pag tamper sang resibo nga gin isyu sa violator nga gin isyuhan sang citation ticket sang Bacolod Traffic Authority Office.
Suno kay Jose Antonio Robello, deputy head sang BTAO, 2,300 pesos ang penalidad sang lalaki nga violator bangud nag maneho sang motorsiklo nga wala sang helmet kag driver’s license nagligad nga Abril 18, 2024.
Sa amo nga penalidad, 1,000 pesos ang bayad sa towing, samtang 1,300 pesos sa pag drive nga wala sang helmet kag wala sang lisensya.
Ginpahayag ni Robello, nagbayad ang violator sang 1,300 pesos sa babaye nga cashier sang City Treasurer’s Office nga assign sa BTAO pero gin alegar 300 pesos lamang ang gin encode.
Gin alegar nga ginbutangan sang cashier sang ‘1’ ang resibo para ini ang mangin 1,300 pesos.
Suno kay Robello, sa ila nga pag usisa, 300 lamang ang nagsulod sa system nga bayad bisan 1,300 ang ginbayaran sang violator.
Ang reklamo ang una gin padangat sa Isugid kay Mayor nga programa. Ang cashier nga ginareklamo ang isa ka regular nga empleyado.
Luyag lamang ni Robello nga maklaro nga wala sang BTAO personnel ang imbolbado dire.
Ginklaro sini nga wala sila nagabaton sang kwarta nga bayad sang mga violator kundi naga isyu lamang sang citation ticket.
REAKSYON NI MAYOR ALBEE
Dismayado si Bacolod Mayor Albee Benitez sa nabaton nga reklamo batuk sa cashier sang City Treasurer’s Office nga assign sa BTAO bga gin reklamo nga nag tamper sang resibo.
Sa interview sang media, Myerkules, ginpahayag sang Alkalde, nga atubangon sang regular nga empleyado ang konsekwensya kag ini ang ipaidalum sa due process.
Ginkumpirmar ni Benitez nga gin saylo na ang ginareklamo sa iban nga trabaho kag indi na cashier nga assign sa BTAO. Ginpahayag ni Benitez, indi na sini kinahanglan nga suliton ang iya panindugan batuk sa korapsyon kag posible luyag nila nga may ma ‘sampolan’.
Gina kilala naman sang alkalde ang mga tawo nga nagapangisog nga mag reklamo kontra korapsyon bangud nagapati nga ang pagtinlo sa gobyerno ang indi lamang iya responsibilidad.
Nagpasiguro si Benitez nga iya gilayon aktuhan ang mga ginapadangat nga reklamo.
