250K NGA SWELDO PARA SA CENECO GM GINADUSO

Share on facebook
Share on google
Share on pinterest
Share on twitter
Share on print

Gin pahayag ni Central Negros Electric Cooperative ukon CENECO General Manager Sulpicio Lagarde Jr. nga rekomendasyon pa lamang ang aprubado nga resolusyon sang board nga naga-grant sa iya sang 250 mil pesos nga sweldo sa kada bulan. Ini kasunod nga gin kwestyun ni anay CENECO President Atty. Arnel Lapore ang resolution nga gin pasar sang board. Si Lapore ang una nga nag padala sang sulat sa CENECO napetsahan Setyembre 21 kag iya gin pahayag nga sa tion nga ma aprubahan sang National Electrification Administration (NEA) ang resolution sang board, ini ang paga- gamitonon bilang basehan sa pag-suma sang retirement package ni Lagarde nga gina bulubanta 7 milyones pesos. Suno kay Lagarde, may yara man sang mga General Manager sa iban nga kooperatiba nga naga lab-ot sa kapin 200 mil ang sweldo sa kada bulan kaangay sa South Cotabato kag Batangas. Sa amo man nga sulat, gina kwestyon man ni Lapore ang pag-withdraw sang kaso ni Ceneco Board Member Roy Cordova batuk kay Lagarde bangud sa tion nga may pending nga kaso sa NEA, wala sang benepisyo nga makuha ang General Manager. Ang kaso ang gin-file ni Cordova sa NEA sadto ang angut sa gin alegar ‘mismanagement’ ni Lagarde nga nag resulta sa gin alegar systems loss sang CENECO nga 186 million pesos tuig 2012 tubtob 2014. Suno kay Lagarde, nangin maalam si Cordova sa pag-withdraw sang kaso sadtong Hulyo 2018 bangud nakahibalo naman ini nga ang kaso nga iya gin-file ang parehas lang sa kaso nga gin-file man ni Lapore sadto nga sang ulihe gin basura lamang.

MORE STORIES:

LIKE US ON FB

error: Ooops... You are not authorized to copy this content.