‘APOR’ NGA MAGA KADTO SA BACOLOD GINA REQUIRE SANG NEGATIVE RT-PCR TEST RESULT; PILA KA ‘APOR’ MAY EXEMPTIONS

Share on facebook
Share on pinterest
Share on twitter
Share on print

Gina-require na sang LGU sang Bacolod ang mga Authorized Person Outside Residence ukon APOR nga mag kadto sa syudad, sang negative nga RT-PCR Test result.

Ini matapos nga nag papanaug si Mayor Evelio Leonardia sang Executive Order No. 51 angut sa bag-o nga polisa sa pag regulate sa mga APOR.

Suno kay SK Federation President Ayesha Joy Villaflor, vhair sang APOR, ang APOR nga maga tinir sa syudad sang isa ka semana panubo, ang kinahanglan may yara sang Certificate of Employment (COE), Endorsement Letter halin sa kompaniya, negative nga RT PCR Result nga valid lamang sang tatlo ka adlaw umpisa nagwa ang resulta kag wala na sang quarantine.

Gin paathag ni Villaflor, ang APOR nga maga tinir sa syudad sang masobra isa ka semana ang magapasa sang COE kag endorsement letter, negative nga Covid-19 result, kag liwat nga ipaidalum sa isa pa gid ka test pag abot sa syudad kag iga quarantine sa hotel.

Gin klaro ni Villaflor, ang kompaniya amo ang maga bayad sang swab test kag pag quarantine sa mga APOR.

Ang APOR nga naga trabaho sa cargo kag essential goods kaangay sang driver kag helper ang gina require man sang negative RT-PCR Test result nga valid sang 14 ka adlaw umpisa nga ini ang gin isyu.

Nasaad sa EO sang Alkalde, nga exempted naman sa nasambit nga mga requirements kon ang APOR ang naga trabaho sa PNP kag iban pa nga ahensya sang gobyerno pero dapat may yara sang mission order.

Exempted man sa requirements ang naga trabaho sa gobyerno pero dapat mag sumiter sang travel order gikan sa LGU.

Nagpanugyan si Villaflor sa mga APOR nga mag pakigangut sa iya talatapan para sa proper coordination ukon mag contact sa 09310147885 ukon 09777261918. | Aksyon Dale Salazar

What’s your Reaction?
+1
0
+1
0
+1
0
+1
0
+1
0
+1
0
+1
0

MORE STORIES:

LIKE US ON FACEBOOK

error: Ooops... You are not authorized to copy this content.