‘APOR’ GIKAN CEBU NGA NAGA RENTA SA BACOLOD, NAG POSITIBO SA COVID-19; APARTMENT KAG PILA KA BALAY, GIN LOCKDOWN

Share on facebook
Share on google
Share on pinterest
Share on twitter
Share on print

Ginpaidalom sa lockdown ang isa ka apartment sa Purok Magayon, Barangay Singcang-Airport syudad sang Bacolod matapos nagpositibo ang isa ka lalaki nga nagarenta sa amo nga lugar.

Basi sa COVID-19 Case Bulletin No. 100 sang Department of Health Western Visayas, nagpositibo sa COVID-19 ang isa ka 25 anyos nga Authorized Person Outside Residence (APOR) nga residente sang Mandaue, Cebu.

Gina verify pa sa karon sang otoridad ang trabaho sang nag positibo.

Suno kay Barangay Singcang-Airport Kapitan Rosinie Distrito, subong nga adlaw nagpabalo ang probinsiya paagi sa Local Inter-Agency Task Force sang Bacolod nga nag positibo nga APOR ang nagatinir sa isa ka apartment sa ila barangay.

Suno sa Kapitan, nakagwa sa ila kwarto ang nagpositibo kag nakakaon sa mga karinderia sagwa sang apartment.

Ginpasiguro naman ni Distrito nga wala na makatrabaho pa ang nagpositibo nga APOR. Apektado sa lockdown ang 35 ka mga persona nga nagarenta sa amo nga apartment kag napulo ka mga panimalay kalakip na ang mga karinderia sa palibot sang lugar.

Gindala na sa quarantine facility sang syudad ang nagpositibo kag tatlo ka iban pa niya nga close contact kag kaupod sa kwarto nga ginatiniran.

Nagpasiguro naman si Distrito nga sustentuhan ang mga pagkaon kag iban pa nga kinahanglanon sang mga apektado sa lockdown.

Magapatigayon sang contact tracing kag swabbing ang City Health office bwas nga adlaw, Dominggo. | Aksyon John Diaz

MORE STORIES:

LATEST NEWS

LIKE US ON FB

error: Ooops... You are not authorized to copy this content.

YOU MAY ALSO READ: