APAT KA TUIG NGA BATA PATAY MATAPOS NATIRUHAN SA HIMAMAYLAN CITY

Share on facebook
Share on google
Share on pinterest
Share on twitter
Share on print

Patay ang apat ka tuig nga bata nga lalaki matapos natiruhan samtang nagasakay sa kabayo kaupod ang iya amay sa Sitio Palasanan, Barangay Mahalang, syudad sang Himamaylan las 7 kaina sang aga, Myerkules.

Ang napatay ginkilala sa kay John Lloyd Salgado nga nakaangkon sang igu sa ulo, nga amo ang gintunaan sang iya kamatayon.

Sa interview sa Aksyon Firing Line kaupod kay Aksyon Art Tayhopon, ginpahayag ni Himamaylan City PNP Deputy Chief of Police Lt. Alfred Mansoy, nga papuli na ang biktima kaupod ang iya amay nga si Jun Lee, 28 anyos halin sa pagpaligo sang kabayo sang natabo ang pagluthang.

Ginatudlo nga suspetsado amo ang mag utod nga sanday Jigger, 25 anyos kag Jr. Dela Torre, 30 anyos.

Sa pagpangusisa ni Mansoy, pagdumot ang ginalantaw nga motibo matapos ginpahayag sang amay nga Salgado nga antes pa man natabo ang insidente magkaupod sila sa pag inom sang makahulubog nga ilimnon apang sang ulihe may yara sang natabo nga wala paghangpanay.

Sa karon, ginausisa pa sang kapulisan ang gin gamit nga armas matapos nga wala sang recovery sang basiyo sa eksena sang insidente.

Samtang, sa nakuha nga impormasyon ni Mansoy nagpalagyo ang mga suspetsado sa busay, nga pila na ka kilometro ang kalayuon sa natabuan sang insidente. | Aksyon Ann Defensor

MORE STORIES:

LIKE US ON FB

error: Ooops... You are not authorized to copy this content.