APAT KA NAG PAKILALA MYEMBRO SANG REBELDE NAG SUNGKA SA GUIHULNGAN CITY

Share on facebook
Share on google
Share on pinterest
Share on twitter
Share on print

Nagsungka sa kapulisan kag militar ang apat ka mga nagpakilala miembro sang rebelde nga grupo kahapon sa syudad sang Guihulngan, probinsya sang Negros Oriental.

Suno sa report, ang apat ka mga nagsungka ang miembro sang Komiting Rehiyon- Negros/Cebu/Bohol/Siquijor sang Communist Party of the Philippines-New People’s Army (CPP-NPA.

Ang mga nagsungka ginkilala sanday Jone Alfuerto alias Dim/Dem, Squad Leader sang Squad 2, Sangay ng Yunit Pampropaganda (SYP) Platoon; Squad 3 sang NPA’s Sentro de Gravidad; Front Organization of Leonardo Panaligan Command, kag isa man ka miembro sang Special Partisan Unit (SPARU) sa Central Negros Front sang Komiteng Rehiyon Negros/Cebu/Bohol/Siquijor; Deito Ferolino, alias Mar, isa man SPARU member sang CN1 KR-NCBS; Snooky Mejio, alias Noky, isa ka Yunit Militia (YM) member sang CN1 kag kalakip sa KR-NCBS sa Barangay Linantuyan syudad sang Guihulngan kag Rodrigo Fat sang Sangay ng Partido sa Lokalidad (SPL) kag kalakip da KR-NCBS sa Barangay Humay-humay sa amo man nga syudad Ginsungka man nanday Alfuerto kag Mejio ang duha ka kalibre 38 revolver nga armas luthang.

Sa press statement ni Guihulngan City Mayor Carlo Jorge Juan Reyes, ginpahayag sini nga anum na ka mga anay miembro sang mga rebelde ang yara sa paghinakop sang Guihulngan City Task Force to End Local Conflict kasunod sang pagsungka sang duha ka iban pa nga mga rebelde tinalikdan nga bulan. | Aksyon John Diaz

DUHA PILASON SA INSIDENTE SANG PAGPANGLABU SA CALATRAVA

Ginabulong karon sa San Carlos City Hospital ang 56 anyos nga amay matapos ginlabu sang mag-utod las 10:15 kagab-i sa Sitio Atabay, Barangay San Isidro, banwa sang Calatrava.

Ang biktima ginkilala kay Francisco Boliboli samtang ang mga suspek amo sanday Felipe Retable ,60 anyos, kag manghod sini nga si Bobby, 47 anyos, lunsay  residente sang amo nga lugar.

Sa inisyal nga pagpangusisa ni PMaj. Roberto Indiape, bangod gid lamang sa sa personal nga away kag kutsukutso, ginsulong sang mag-utod ang biktima ginbuno  kag ginlabu. 

Si Boliboli ang nakaangkon sang pilas sa likod sang lawas kag butkon.

Sa amo nga insidente, nakita ni Atellano Jorolan (umagad sang biktima) nga ginalabu sang mag utod ang  iya ugangan,  nagkuha man ini sang binangon kag ginlabu si Ratable.

Una nga gindala si Boliboli sa Calatrava District Hospital kag gilayon ginforward sa San Carlos City Hospital samtang si Ratable ang ginabulong sa Corazon Locsin Montelibano Memorial Regional Hospital.

Sa follow-up opreration sang kapulisan, nadakpan si Bobby samtang si Felipe ang buluntaryo nga nagsurender sa mga otoridad. | Aksyon Alvin Grava

APAT KA MGA KARABAO PATAY MATAPOS NAIGO SANG KILAT SA BARANGAY BACONG, BAGO CITY

Patay ang apat ka mga karabao sang Pamilya Dellosa matapos naigo sang kilat sa Purok Kalubihan, Barangay Bacong, syudad sang Bago, Sabado, Mayo 8.

Sa interview sang Aksyon Radyo kay Carlo Dellosa, 18 anyos, ang apat ka karabao ang yara sa idalum sang kawayan sang natabo ang insidente.

Suno kay Dellosa, mga las 12 kaina sang udto sang nag ulan sa ila nga lugar, nag init, antes nga nag igo ang makusog nga kilat.

Nagapati si Dellosa nga naigo sang kilat ang apat nila karabao bangud nasunog ang pila ka bahin sang lawas sang sapat.

Nagakasubo ang Pamilya Dellosa sa nadangatan sang karabao nga nagabulig sa ila sa uma. | Aksyon Dale Salazar

MORE STORIES:

LIKE US ON FB

error: Ooops... You are not authorized to copy this content.