APAT KA MGA SALAKYAN NAGKARAMBOLA; 1 PATAY, 3 PILASON!

Share on facebook
Share on google
Share on pinterest
Share on twitter
Share on print

Isa patay samtang tatlo pilason sang magkarambola ang apat ka mga salakyan sa aksidente nga nagluntad sa Circumferential Road, Bangga Metal, Brgy. Alijis syudad sang Bacolod sini gid lamang nga udto.

Sa pagpangusisa sang kapulisan sang Police Station 7, nagluntad ang aksidente takna las 12:10 sang udto sa diin gikan sur padulong norte nga bahin sang amo nga lugar sang nadulaan sang prino ang isa ka tanker truck kag gin-arado ang trisikol sa unahan sini nga nag- ulamid sang single nga motorsiklo nga ginamaneho ni Gregie Paternal, 33 anyos sang Mt Carmel Subdivision Brgy Alijis sa amo man nga syudad kag Isuzu Truck Dropside nga ginamaneho naman ni Cris Tamayo, 38 anyos sang banwa sang Moises Padilla.

Ang tanker truck ang ginamaneho ni Francisco Bantad, 42 anyos, sang Jesusa Dos, Brgy. Alegria, banwa sang Murcia samtang ang drayber sang trisikol ginkilala kay Jay Uguil, 39 anyos, sang Purok Lemon Grass, Brgy Cabug syudad sang Bacolod.

Tatlo ang sakay sang amo nga trisikol lakip na ang duha ka mga menor de edad nga kabataan ni Uguil kun sa diin ang lima sini ka tuig nga bata ang nakaangkon sang pilas kag ginabulong sa karon sa Bacolod Adventist Medical Center ukon BAMCI.

Dead on the spot naman si Garry Tabafa, 36 anyos, matapos nga naipit sa tunga sang mga nagbungguanay nga salakyan kag nawasak ang ulo sini.

Sa interview sang Aksyon Radyo Bacolod kay Uguil, iya pa nabatian nga nag-react si Tabafa nga may nagahara-hara nga salakyan padulong sa ila ginahamhatangan.

Pagsaysay ni Uguil, nagapondo sila sa amo nga lugar kag nagasunod ini sa isa ka single nga motorsiklo antes matabu ang aksidente. Nakit-an pa ni Uguil nga nagtabog ang iya mga kabataan.

Sa pihak nga bahin, si Paternal, drayber sang single nga motorsiklo ang nasamaran man sa amo nga aksidente kag karon padayon nga ginabulong sa Western Visayas Regional Hospital.

Bangud sang kabaskogon sang pagbungguanay, naigo sang single nga motorsiklo ang isa ka pribado nga salakyan nga gikan norte kag padulong sa sur nga bahin sang amo nga lugar nga ginamaneho ni Michael Ginete, 39 anyos sang dalan Topal, City Heights Subdivision, Brgy Taculing syudad sang Bacolod.

Kaso karon, ginapreparar ang kaso nga reckless imprudence resulting to homicide, damage to properties kag multiple physical injuries nga ipasaka batuk sa drayber sang tanker nga yara sa karon karon priso sang Police Station 7.

MORE STORIES:

LIKE US ON FB

error: Ooops... You are not authorized to copy this content.