Ginpadal-an sang tag 700 ka sako nga food assistance sang gobyerno probinsyal sang Negros Occidental, ang syudad sang Talisay, Silay, Bago kag banwa sang Murcia, bilang bulig sa mga frontliners kag mga makigbahin sa Timeout Weekend Mass Testing umpisa bwas nga adlaw, Dominggo.
Ini ang kabahin sa “O-Plan: One-Time Big-Time Mass Testing” program nga gin initiate sang gobyerno probinsiyal sa lima ka mga pilot Local Government Units (LGUs).
Una nga nagpatigayon sang mass testing ang syudad sang Bacolod sadtong Agusto 27, 2020.
Ini nga programa ang nagatoyo agud ma swab tests ang 10,000 ka mga Negrenses , sa diin 5,000 ang halin sa Bacolod kag 5,000 man halin sa apat ka mga LGUs.
May gintukod na nga Special Task Force agud mag facilitate sa RT- PCR tests sa 10,000 ka mga symptomatic patients kag ila mga close contacts.
Samtang, ginakabig ni Mayor Nicholas Yulo bilang “Pahimuyong Days” ang Agusto 30 kag 31, 2020 sa syudad sang Bago.
Sa post sang official facebook page sang syudad nga “The Citybridge (Bago City Newsletter) , ginpangabay sang alkalde ang mga Bagonhons nga magtener sa sulod sang puluy-an kag hatagan sang tiyempo nga makaupod ang pamilya.
Ang syudad sang Bago, ang isa sa lima ka mga pilot Local Government Units sa mass testing.
Nag-isyu man si Yulo sang Executive Order No.
53- B nga naga amendar sa Executive Order No. 53 kag naga adopt sa comprehensive Covid-19 testing program sa syudad sang Bago. | Aksyon Marlon Genovea