APAT KA GIN ALEGAR NPA, NADAKPAN

Share on facebook
Share on google
Share on pinterest
Share on twitter
Share on print

Arestado ang (4) apat ka gin-alegar membro sang New People’s Army paagi sa follow-up operation sa gintingob pwersa sang 15th Infantry Batallion kag Intelligence operatives sang Kabankalan City PNP sa Barangay Magballo syudad sang Kabankalan, Biernes sang gab-i.

Sa interview sang Aksyon Radyo Bacolod kay 3rd Infantry Division Philippine Army spokesperson Maj. Cenon Pancito, ginpahayag sini nga ang mga nagkaladakpan amo sanday Emmylo Cañares, 38 anyos nagapuyo sa San Fernando, Probinsya sang Cebu kag naga serbi bilang secretary sang 2nd National Urban Party Committee, George Buga-ay, 42 anyos sang Brgy Orong, syudad sang Kabankalan, anay Secretary General sang Pamalakaya-Negros, kag karon Regional Communication sang GRN, Relyn Morino 22 anyos gin-alegar Regional staff sang GRN kag Raffy Patajo, anay platoon leader sang KRN -Southwest front.

Dugang pa ni Pancito, nakuha sa (4) apat ka gin-alegar membro sa NPA ang isa ka cal. 45 pistol, isa ka .38 cal. revolver, 4 ka Granada, kwarta cellphone kag mga dokumento.

Ang mga suspek ditinido karon sa custodial facility sang Kabankalan City PNP kag nagapangatubang sang kaso.

Madumduman nga sang tinalikdan nga Mierkules, Hulyo 8, 2020, isa ka engkwento natabo sa tunga sang 15th IB batok sa NPA. | Aksyon Alvin Grava

MORE STORIES:

LIKE US ON FB

error: Ooops... You are not authorized to copy this content.