APAT KA GIN ALEGAR NPA NADAKPAN SA CHECKPOINT SA MOISES PADILLA

Share on facebook
Share on google
Share on pinterest
Share on twitter
Share on print
(3ID Photos)

Arestado ang apat ka mga gin alegar miyembro sang New People’s Army (NPA) sa checkpoint sang gintingob nga pwersa sang 62nd Infantry Battalion sang Philippine Army kag kapulisan sa Sitio Proper, Brgy. Montilla, banwa sang Moises Padilla.

Ang mga nadakpan ginkilala sanday Jovanir Bohol alyas Jojo, 25 anyos sang Brgy. Bayabas, syudad sang Danao probinsya sang Cebu; Wilmar Pongasi alyas Rain, 25 ang edad, sang Brgy. Poblacion 1, syudad sang Dumaguete, Negros Oriental; Juannie Obidas, 31 anyos sang Sitio Banate, Brgy. Macagahay, banwa sang Moises Padilla kag Lioltren Trinidad, 31 anyos, sang Sitio Bandirahan, Brgy. Trinidad syudad sang Guihulngan, Negros Oriental.

Suno kay 3rd Infantry Division Internal Affairs Office Army Major Cenon Pancito III, nakabaton sang impormasyon ang militar angot sa presensiya sang mga suspetsado rason nga nagpahamtang sang checkpoint matapos ma-validate ang report.

Ginbulgar ni Pancito nga ang nagkaladakpan sa check point ang mga miyembro sa nagkalain lain nga unit sang New People’s Army.

Suno kay Pancito si Jovanir Bohol, miyembro sang Sandatahang Yunit Pampropaganda (SYP) Platoon CPP-NPA Central Negros Front 1; si Wilmar Pongasi naman ang isa ka staff sang CPP-NPA-NDF legal front organization nga Farmers Development Center (FARDEC) nga nakabasi sa Cebu kag kabahin man sang Kabataang Makabayan (KM).

Samtang, padayon pa ang ila imbestigasyon kay Juannie Obidas kag Lioltren Trinidad.

Nakuha sa apat ang isa ka kalibre-45 pistola, duha ka mga magazine sang kalibre 45 pistola, 12 ka mga wala naglupok nga bala, apat ka 40 mm M203 grenade launcher live ammunitions, mga personal nga gamit kag mga dokumento. Priso karun ang apat sa custodial facility sang Moises Padilla PNP. | Aksyon John Diaz

MORE STORIES:

LIKE US ON FB

error: Ooops... You are not authorized to copy this content.