Pilason ang anom ka persona lakip na ang duha ka menor de edad sa nagluntad nga aksidente sa National Highway, Had. Ferlou, Barangay La Granja, syudad sang La Carlota kaina mga las otso sang aga, Lunes.
Ang mga napilasan amo sanday Josh Andrie Fernandez, 15 nagapuyo sa Had Salamanca, Barangay San Miguel kag driver sang tricycle., Marvin Barrientos, 22 anyos nagapuyo sa Barangay La Granja kag Casimino Panalog, 20 anyos, nagapuyo sa Barangay San Miguel (lunsay angkas sa motorsiklo) , Pauline Aries, 17 anyos nagapuyo sa Barangay San Miguel kag Honey Green Aries, duha ka tuig, nagapuyo sa Barangay San Miguel (mga bystander), samtang ang suspetsado nga (driver sa motorsiklo) ginkilala naman kay Jonel Espinosa, 18 anyos sang Barangay San Miguel tanan sa amo man nga syudad.
Suno kay Lt. Col. Joenel Guadalupe, hepe sang La Carlota PNP, magkatuhay ang direksyon sang motorsiklo nga honda CRM kag tricycle, apang nagliko sa wala patabok sa dalan ang tricycle rasun nga nabungo-an sang nagapadulong nga motorsiklo.
Nalab-ot pa sang motorsiklo ang nagaparking nga isa pagid ka motorsiklo sa diin didto nagatindog ang duha ka bata nga nadalasa man sa aksidente kag nakaangkon sang minor nga kapilasan.
Ang driver kag isa ka angkas sang motorsiklo lakip na ang driver man sang tricycle gindala sa Corazon Locsin Montelibano Memorial Regional Hospital ukon CLMMRH, apang ang isa ka angkas kag duha ka bata yara gindala sa Don Salvador Benedicto Memorial District Hospital sa pagbulong. | Aksyon Bryan Morden
