ANUM KA POLICE TRAINEE NGA TAGA NEGROS OCCIDENTAL KAG BACOLOD NADAKPAN NGA NAGA INOM SA SARA, ILOILO

Share on facebook
Share on google
Share on pinterest
Share on twitter
Share on print

Nagdakpan ang anum ka mga babaye nga police trainee nga naga-inom sang makahulobog nga ilimnon sa Montejo’s Restaurant, Barangay Pasig, Sara, Probinsya sang Ilo-ilo sadtong la una sang kaagahon sang Sabado, Septembre 14, 2020.

Ang mga nadakpan ang taga probinsya sang Negros Occidental kag syudad sang Bacolod nga yadto sa training center sa Sara para sa ila foundation course bilang Basic Special Training Security Operation Course ukon BISOC.

Suno kay Police Regional Office ukon PRO-6 Spokesperson Lt. Col. Joem Malong, nalabyan sang patrol sang Sara PNP ang mga trainee nga yara sa pampuliko nga lugar kag naga-inom.

Ang mga trainee ang yara sa holding center sang Regional Personnel Training Unit, samtang ginapatigayon ang imbestigasyon.

Kabahin man sa imbestigahagan ang ila opisyal kun paanu sila nakaguwa sa amo nga mga inoras.

Mahimo nga mangatubang sang kaso administrabo ang mga trainee, dependi sa resulta sang imbestigasyon.

Dugang ni Malong, nakabayolar man ang mga ini sa Sara LGU ordinance nga nagadumili sa pag-inom sa pampubliko nga lugar.

Angut sini, nagpanugyan si Malong sa tanan nga kapulisan nga maghalong sa ila trabaho, agud malayo sila nga kaangay sini nga hitabo. | Aksyon Bryan Morden

MORE STORIES:

LIKE US ON FB

error: Ooops... You are not authorized to copy this content.