ANUM KA COVID-19 CASES NARECORD SA BACOLOD KAG NEGROS OCCIDENTAL SUBONG NGA ADLAW

Share on facebook
Share on google
Share on pinterest
Share on twitter
Share on print

Naduganan sang duha ka kaso sang Covid-19 ang syudad sang Bacolod samtang apat naman sa Negros Occidental.

Base sa DOH Western Visayas Center for Health and Development Bulletin No. 77, sa Bacolod City, positibo sa virus ang 35 anyos nga lalaki, isa ka Locally Stranded Individual ukon LSI kag karon naka home-quarantine.

Positibo man sa virus ang 38 anyos nga Bacolodnon OFW kag karon naka facility quarantined.

Sa Negros Occidental, nag positibo sa virus ang 29 anyos nga lalaki nga residente sang syudad sang Sagay kag isa ka LSI kag karon naka facility quarantined. May 24 anyos man nga babaye nga residente sang syudad sang Talisay kag isa ka LSI ang nag positibo man sa virus.

Natapikan man sang infection ang 35 anyos nga lalaki nga isa ka LSI kag residente sang banwa sang Cauayan kag karon naka facility quarantined.

Positibo man sa masakit ang 40 anyos nga lalaki nga isa ka OFW nga residente sang syudad sang Sagay kag karon naka facility quarantined.

Gin anunsyo sang DOH 6, nga may duha ka pasyente ang naka recover sa Region 6 kag ini ang ginalakipan sang 34 anyos nga lalaki kag 23 anyos nga lalaki, tanan residente sang Antique.

Ang Region 6 ang may 29 active cases, 96 ang recovered kag 11 ang napatay.

MORE STORIES:

LIKE US ON FB

error: Ooops... You are not authorized to copy this content.