ANUM KA BULAN NGA PREVENTIVE SUSPENSION ORDER PARA SA 3 KA KAPITAN SA BACOLOD, WALA PA NABATON SANG DILG BACOLOD

Share on facebook
Share on google
Share on pinterest
Share on twitter
Share on print

Wala pa nabaton sang DILG Bacolod ang anum ka bulan nga preventive suspension order sang tatlo ka mga kapitan sa syudad sang Bacolod angut sa gin alegar anomaliya sa pagpatuman sang Social Amelioration Program.

Setyembre 2 sang nag gwa ang suspension order ang Office of the Ombudsman batuk sa 89 ka mga kapitan nationwide bangud sa anomaliya sa SAP kag tatlo dire ang gikan sa Bacolod nga gina lakipan ni Kapitan Noli Villarosa ang Barangay Tangub, Kapitan Evelyn Ta-asan sang Barangay 11 kag Kapitan Kim Piramo sang Barangay 19.

Nasaad sa mando sang Ombudsman nga may mabakod nga ebidensya batuk sa mga gina akusar nga mga kapitan.

Suno kay DILG Bacolod Director Joy Maredith Madayag, wala paman sila nakabaton sang pormal nga suspension order kag iya lamang na hibaluan ang ini nga balita paagi sa press release sang DILG Central Office.

Gin paathag ni Madayag, nga ang suspension order ang una nga mabaton sang DILG Region 6 kag ini ang ipapanaug sa DILG Bacolod.

Gina lantaw ni Madayag nga pwede man nga si Mayor Bing Leonardia ang mag serbe sang suspension order bangud siya ang “immediate supervisor” sang mga kapitan ukon pwede man nga ang ila ahensya ang mag serbe sang mando.

Suno kay Madayag, ang number kagawad amo ang maga take over kag maga pangalagad bilang Acting Punong Barangay.

MORE STORIES:

LIKE US ON FB

error: Ooops... You are not authorized to copy this content.