ANOM KA BALAY NASUNOG SA BRGY POBLACION, VALLADOLID

Share on facebook
Share on google
Share on pinterest
Share on twitter
Share on print

Naapektuhan ang anum ka mga puluy-an sa sunog sa Purok Dapdap, Barangay Poblacion, banwa sang Valladolid mga las 6:30 subong nga gab-i, Hulyo 1.

Sa interview sa Aksyon Firing Line, ginpahayag ni  Barangay Poblacion, Valladolid Captain Bill Kratzer nga base sa iya nakuha nga impormasyon, mga senior citizens ang naga -istar sa balay nga gin umpisahan sang sunog.

Suno kay Kratzer, himo sa light materials ang mga puluy-an rason nga madasig nga naglaton sa iban nga balay.

Ginpahayag ni Police Captain Joseth Catonina, hepe sang Valladolid PNP nga sa anom ka balay, tatlo ang totally destroyed kag tatlo man ang partially affected.

Ginkumpirma ni Catonina nga ang balay nga ginhalinan sang sunog amo man ang balay nga nasunog sadto apang madasig nga napalong.

Indi pa matumod ang gintunaan sang kalayo apang may alegasyon ang tag iya sang balay nga ginhungod ang pagsunog.

Sa pihak nga bahin, ginpahayag ni Valladolid Mayor Bebot Miravalles nga temporaryo nga magatiner sa simbahan katoliko sang banwa ang mga biktima.

Sa karon, gina-assess pa ang kabilugan nga halit nga natuga sang sunog.

Nagpasalamat naman ang alkalde tungod wala sang may napilasan sa natabo. | Aksyon Ann Defensor, Aksyon Eden Aboso

MORE STORIES:

error: Ooops... You are not authorized to copy this content.