Padayon pa ang imbestigasyon sang Bureau of Fire Protection sang syudad sanh Victorias angut sa pagkasunog sang puloy-an ni anay Victorias City Mayor Remedios Bantug sa Osmena Highway, Barangay 1, sa amo man nga syudad.
Suno kay SF01 Stephen Pedraha, nag-umpisa ang kalayo mga la 1:20 sang aga kag nadeklara nga fire out las 2:08 sining domingo.
Una nga nakit-an sang nagabantay nga gwardya ang aso sa isa ka kwarto sang puloy-an rason nga gilayon ini nagpangayo sang bulig.
Naupos ang puloy-an kag partial man nga nasunog ang tupad sini nga building nga ginapanag-iyahan man sang pamilya.
May kagamitan pa nga nabilin sa amo nga puloy-an kaangay sang mga antique nga butang.
Indi pa madertiminar sang BFP ang balor sang kahalitan sang sunog.
Ang puloy-an wala na ginapuy-an sang pamilya, apang kun kaisa ginakadtuan man ini ni 3rd Congresaman Albee Benitez.