MENU

ANAY MIEMBRO SANG NPA GINLUTHANG-PATAY SANG KAUPOD MAN NIYA SA HUBLAG

  • at 9:37 pm
Share on facebook
Share on pinterest
Share on twitter
Share on print
Patay ang anay miyembro sang New People's Army okon NPA matapos ginluthang sang nagpakilala NPA. 
Nagluntad ang insidente las 6 kaina sang aga (Oct 26) sa sulod sang katubohan sang Sitio Abod, Barangay San Antonio, syudad sang Himamaylan. 
Ang biktima ginkilala kay Reymark Dagohoy, 22 anyos nagapuyo sa amo man nga lugar. 
Si Reymark kag amay sini lakip ang pito pa ka iban ang magatapas kun tani sang tubo. 
Suno kay Renato Dagohoy amay sang biktima ginluthang ang iya anak samtang nagapungko sa duta kag nagakaon sang pamahaw. 
Ginpaka maayo na lamang sang amay nga magdalagan agud luwason ang iya kaugalingon. 
Dugang ni Renato basi man sa mga upod nila nga tapasero ginpalapitan pa gid sang mga armado ang biktima kag ginluthang sa ulo. 
Nahibaloan nga ginpasibangdan si Reymark sang anay mga kaupod nga NPA nga nagapanugid ini sa mga otoridad. 
Aminado ang amay nga ang bata nangin katapo man sadtong sang NPA upod sa duha pa ka mga magulang sini sa sulod sang pila ka bulan, apang ginpa-untat niya agud magtutok nalang sa panguma. 
Suno naman kay Chief Inspector Antonio Benitez Jr, hepe sang Himamaylan City PNP, nakaangkon sang anum ka pilas ang biktima sa tiyan kag ulo. 
Narekober sa eksena sang insidente ang pito ka basiyo sang M16 armalite riffle kag 45 kaliber pistol. 
Ginapatihan mga 30 ka armado ang naghimo sang krimen, apang lima lamang sa mga armado ang nagluthang sa biktima. 
Nahibaloan nga ang biktima ginluthang man sadtong tinalikdan nga bulan sang amo man nga grupo, apang wala napatay. 
Padayon pa ang imbestigasyon sang kapulisan angut sa pagkilala sang mga suspetsado kag motibo sang krimen.
What’s your Reaction?
+1
0
+1
0
+1
0
+1
0
+1
0
+1
0
+1
0

REGULAR EMPLOYEE SANG BACOLOD GIN REKLAMO NGA NAG TAMPER SANG RESIBO

April 24, 2024

Gina imbestigahan sang syudad sang Bacolod ang gin alegar pag tamper sang resibo nga gin isyu sa violator nga gin isyuhan sang citation ticket sang Bacolod Traffic Authority Office.

Suno kay Jose Antonio Robello, deputy head sang BTAO, 2,300 pesos ang penalidad sang lalaki nga violator bangud nag maneho sang motorsiklo nga wala sang helmet kag driver’s license nagligad nga Abril 18, 2024.

Sa amo nga penalidad, 1,000 pesos ang bayad sa towing, samtang 1,300 pesos sa pag drive nga wala sang helmet kag wala sang lisensya.

Ginpahayag ni Robello, nagbayad ang violator sang 1,300 pesos sa babaye nga cashier sang City Treasurer’s Office nga assign sa BTAO pero gin alegar 300 pesos lamang ang gin encode.

Gin alegar nga ginbutangan sang cashier sang ‘1’ ang resibo para ini ang mangin 1,300 pesos.

Suno kay Robello, sa ila nga pag usisa, 300 lamang ang nagsulod sa system nga bayad bisan 1,300 ang ginbayaran sang violator.

Ang reklamo ang una gin padangat sa Isugid kay Mayor nga programa. Ang cashier nga ginareklamo ang isa ka regular nga empleyado.

Luyag lamang ni Robello nga maklaro nga wala sang BTAO personnel ang imbolbado dire.

Ginklaro sini nga wala sila nagabaton sang kwarta nga bayad sang mga violator kundi naga isyu lamang sang citation ticket.

REAKSYON NI MAYOR ALBEE

Dismayado si Bacolod Mayor Albee Benitez sa nabaton nga reklamo batuk sa cashier sang City Treasurer’s Office nga assign sa BTAO bga gin reklamo nga nag tamper sang resibo.

Sa interview sang media, Myerkules, ginpahayag sang Alkalde, nga atubangon sang regular nga empleyado ang konsekwensya kag ini ang ipaidalum sa due process.

Ginkumpirmar ni Benitez nga gin saylo na ang ginareklamo sa iban nga trabaho kag indi na cashier nga assign sa BTAO. Ginpahayag ni Benitez, indi na sini kinahanglan nga suliton ang iya panindugan batuk sa korapsyon kag posible luyag nila nga may ma ‘sampolan’.

Gina kilala naman sang alkalde ang mga tawo nga nagapangisog nga mag reklamo kontra korapsyon bangud nagapati nga ang pagtinlo sa gobyerno ang indi lamang iya responsibilidad.

Nagpasiguro si Benitez nga iya gilayon aktuhan ang mga ginapadangat nga reklamo.

What’s your Reaction?
+1
0
+1
0
+1
1
+1
0
+1
0
+1
0
+1
0

GINAREKLAMO NGA TUBO SA TUNGA SANG DALAN SA MANSILINGAN TUBTOB KARON WALA PA MAKUHA

April 24, 2024

Natalana nga magpasar sang resolusyon ang Barangay Mansilingan Council nga nagapangabay sa Baciwa-Primewater nga sayluhon ang ila dako nga tubo nga yara sa tunga sang dalan.

Ginpahayag ni Kapitan Franz Tionko, Myerkules, madugay na nila ini ginpangabay sa Baciwa-Primewater pero tubtob karon wala pa makuha.

Suno sa Kapitan, indi sini luyag nga may ma aksidente bangud sa amo nga tubo kag indi man maayo tulukon nga may obstruction sa dalan ilabi na nga ini ang makit-an sa entrada sang Barangay sa ginpatahum nga welcome arch.

What’s your Reaction?
+1
0
+1
0
+1
0
+1
0
+1
0
+1
0
+1
0

MORE STORIES:

LIKE US ON FACEBOOK

error: Ooops... You are not authorized to copy this content.