ANAY FORKLIFT OPERATOR PATAY MATAPOS GINLUTHANG SANG GWARDYA SA ISA KA COMPOUND SA BARANGAY MANSILINGAN

Share on facebook
Share on pinterest
Share on twitter
Share on print

Patay ang anay Forklift operator matapos ginluthang sang gwardiya sang ini ang nagpakatig a nga maggwa sa compound sang 7G Tyco International Corporation nga nahamtang sa Felisa Road, Barangay Mansilingan, syudad sang Bacolod kagab I, dominggo.

Ang napatay ginkilala sa kay Juvy Natividad Jr., 31 anyos kag pomuluyo sang San Dionisio, Barangay Granada samtang ang suspetsado ginkilala sa kay SG Antonio Enanoria, 25 anyos kag tumandok sa syudad sang Kabankalan.

Suno kay Police Station 7 Commander, Lieutenant Conrado Espino Jr., hubog sang nagkadto sa compound si Natividad kag gin alegar nga nanghulam ini sang screw driver apang amo na lang ang kakibot ni Enanoria matapos nga nagkadto ini sa tunga-tunga sang compound.

Didto kag natabo ang ila paglalisay matapos nga ginpilit ini nga maggwa, nga nagresulta sa pagluthang ni Enanoria sa kay Natividad gamit ang issued firearm nga 12 gauge shotgun.

Wala na sang kabuhi sang maabtan sang otoridad si Natividad samtang nakapalagyo naman si Enanoria.

Sa impormasyon nga nakuha sang otoridad, si Natividad isa sa mga ginkakas sa trabaho sang nasambit nga korporasyon sa una nga semana sa bulan sang Nobiyembre.

What’s your Reaction?
+1
0
+1
0
+1
0
+1
0
+1
0
+1
0
+1
0

MORE STORIES:

LIKE US ON FACEBOOK

error: Ooops... You are not authorized to copy this content.