ANAK SANG CONVICTED DRUG LORD PATAY MATAPOS GIN TIRO SANG RIDING-IN-TANDEM SUSPECTS

Share on facebook
Share on google
Share on pinterest
Share on twitter
Share on print

Patay ang anak sang isa ka convicted drug lord matapos nga gin tiro sang riding-in-tandem suspects sa atubangan sang isa ka restaurant ukon sa tabok sang Riverside Medical Center, sa B.S Aquino Drive sa Barangay 5, syudad sang Bacolod takna las 2:25 kaina sang hapon, Mayo 16.

Ang biktima ang gin kilala kay Gerald Cuadra, 43 anyos, residente sang 24th Lacson Street sa Brgy. 1, kag bata sang convicted druglord nga si Boy Cuadra nga gin pamatbatan sang 2006 nga guilty sa drug trafficking kag gin papanaugan sang penalidad nga life imprisonment.

Ang biktima ang makadto kuntane sa hospital bangud naka-admit sa karon ang iya asawa bangud sa stroke.

Suno kay Police Major Sherlock Gabana, hepe sang Police Station 2, suno sa mga saksi, masobra isa ka oras nga naga hulat ang mga suspek sa lugar.

Naga pakita sa imbestigasyon nga nagapanaug ang biktima sa iya salakyan sang gin tiro sang hitman.

Ang mga suspek ang sakay sa itom nga motorsiklo nga scooter type nga wala sang plate number.

Na recover sa lugar sang insidente ang pito ka empty shell sang 45 caliber pistol nga armas luthang.

Indi pa ma establisar sang kapulisan ang motibo sang krimen samtang padayun nila nga gina padalman ang kaso.

Samtang, gina kweston sang Pamilya Cuadra ang otoridad bangud gin alegar wala gin hingaw dala sa hospital si Gerald Cuadra matapos nga gin tiro.

Suno kay Rodolfo Cuadra, 64 anyos kag tiyo sang biktima, naga hingalo pa si Gerald sa sulod sang lima ka minutos antes gin bawian sang kabuhi.

Isa sa mga nag padulong sa crime scene amo ang iloy sang biktima nga si Carmen Cuadra nga naga kwestyon kon nga-a wala gin dala gilayon ang iya bata sa hospital kag madugay nga pag abot sang Scene of the Crime Operatives.

Sa bahin sang mga nag responder nga ambulansya sang Bacolod DRRMO, no signs of life na ang biktima sa nag abot sila sa lugar.

Suno kay Gabana, 10 tubtob 15 minutos nga nakaresponder ang otoridad umpisa nga nabaton ang tawag sa nag lutad nga shooting incident.

Nag pangabay si Gabana sa Pamilya Cuadra sang kooperasyon para nga masolbar ang ini nga krimen.

MORE STORIES:

ANU ANG IMO MA KOMENTO?

error: Ooops... You are not authorized to copy this content.