Gintawag nga demonyo sang amay nga si Rene Antonio ang utod nga si Ariel antoni suspek sa pagpatay sa anak sini nga anum ka tuig tinalikdan nga biyernes sang gab-i sa Purok Sigay, Barangay Singcang Airpor, Syudad sang Bacolod.
Suno kay Rene, indi kahimuan sang normal nga utok sang tawo ang pagbuno-buno sang tiyo sa iya bata.
Nakabatyag man sang kalooy si Rene kay Ariel nga priso subong apang nagapangibabaw ang kaakig sa ginhimo sini.
Disidido ang amay nga kasuhan ang iya utod agud indi na makapanghalit pa sa iban nga tawo.
Si Rene wala diri sang natabo ang krimen bangud yara sa Cebu nagatrabaho bilang pintor.
Anum ka tuig nga bulagay na sila sang iya asawa nga si Ma. Kristina Divinagracia nga taga Barangay Concepcion, syudad sang Talisay, apang sa iya pagkahibalo nagatrabaho sa Manila.
Ginpangabay ni Rene ang asawa nga magpa-uli kun gusto pa sini nga makita ang iya bata antis ilubong sa masunod nga semana.| Via Aksyon Bryan Morden