ALKALDE SG SYUDAD SANG VICTORIAS KAG APAT KA EMPLEYADO SINI NAGPOSITIBO SA COVID-19

Share on facebook
Share on pinterest
Share on twitter
Share on print

Ginkumpirmar ni Victorias City Mayor Francis Frederick Palanca nga nagpositibo ini sa COVID-19 kag apat ka adlaw nga nagtiner sa Bacolod Adventist Medical Center (BAMC) kag subong nga adlaw, dominggo sang gin-discharge.

Sa interview sang Aksyon Radyo Bacolod, ginpahayag ni Palanca nga magluwas sa iya, nagpositibo man sa virus ang iya driver, secretary, isa ka staff kag isa ka security personnel nga iya nakaupod sa van antes pa nagbatyag sang sintomas.

Suno kay Palanca, huwebes nga adlaw, Nobiyembre 5 sang nagpadulong sila nga lima sa Bacolod agod may i-proseso kag may tatlo ini ka lugar nga ginkadtuan.

Dugang pa ni Palanca, antes pa makumpirmar nga nagpositibo, nagbatyag siya sang sorethroat kag body pain, nga pila lang sa sintomas sang masakit.

Si Palanca, upod ang apat pa nga nagpositibo ang yara karon naka-quarantine sa Victorias North Elementary School.

What’s your Reaction?
+1
0
+1
0
+1
0
+1
0
+1
0
+1
0
+1
0

MORE STORIES:

LIKE US ON FACEBOOK

error: Ooops... You are not authorized to copy this content.