ALKALDE SA BANWA SANG EB MAGALONA, GINPA-BLOTTER

Share on facebook
Share on pinterest
Share on twitter
Share on print

Nagpadangat sang reklamu sa kapulisan sang banwa sang EB Magalona ang Disbursing Officer nga si Johnrey Gamboa batuk kay Mayor Marvin Malacon.

Suno kay Gamboa, gin alegar nga gintapungol kag ginsipa ini ni Malacon sa sulod mismo sang Mayor’s Office sadtong Desyembre 19, 2018 kag naigo ini sa wala nga abaga kag kilid sang iya lawas.

Dugang pa ni Gamboa magluwas nga gintapungol kag ginsipa, ginpahog pa siya nga tiruhon.

Suno kay Gamboa nag ugat ang kaso sang ginpatawag ini sang alkalde kag ginsukmatan kun nga a nagpanugid ini kay 3rd district Board member David Lacson nga may 2.5 milyon pesos siya nga wala naliquidate.

Gin-ako ni Gamboa nga nagkadto sjya sa puloy-an ni Lacson sadtong domingo Desyembre 16, 2018, apang ginpanginwala ang akusasyon ni Malacon angut sa 2.5 milyon pesos nga gin alegar wala maliquidate.

Ginsaysay man ni Gamboa nga ginpatawag lang siya ni Lacson bangud may yara ipaobra sa iya ang opisyal.

Samtang nagapati si Gamboa nga nagpangimon si Malacon, bangud sa iya pagpadulong sa puloy-an ni Lacson.

Angut sini, desidido si Gamboa nga magpasaka sang kaso batuk sa Alkalde rason nga ginparecord ini sa police station sa ila banwa ang natabo.

What’s your Reaction?
+1
0
+1
0
+1
0
+1
0
+1
0
+1
0
+1
0

MORE STORIES:

LIKE US ON FACEBOOK

error: Ooops... You are not authorized to copy this content.