ADMISSION SA TLJPH TEMPORARYO NGA GIN UNTAT

Share on facebook
Share on google
Share on pinterest
Share on twitter
Share on print

Temporaryo nga ginpauntat sang gobyerno probinsiyal sang Negros Occidental ang ‘admission’ sa Teresita L. Jalandoni Provincial Hospital sa syudad sang Silay, bangud sa ginapatigayon nga contact tracing sa mga naka close contact sang doktor nga nagpositibo sa Covid-19.

Suno kay Provincial Administrator Atty. Rayfrando Diaz, magapabilin sa gihapon ang emergency cases sa hospital paagi sa tent nga ginpahamtang sa hospital grounds, samtang ginpaidalom naman sa disinfection ang emergency room.

Dugang pa ni Diaz, may isa man ka staff sang hospital nga manughakwat sang oxygen kag nagabulig sa mga pasyente, ang nagbatyag sang simtomas sang Covid-19 nga hilanat kag LBM.

Suno kay Diaz, magabalik sa normal ang operasyon sang hospital, kun matapos na ang contact tracing.

Samtang, magakuha sang duha ka internal medicines kag isa ka pediatrician ang gobyerno probinsiyal halin sa Cadiz City District Hospital, agud sayluhon sa Teresita L. Jalandoni Provincial Hospital sa syudad sang Silay.

Suno Diaz, kabahin ini sa tikang nga ginhimo sang probinsiya para mapadayon ang serbisyo sa Provincial Hospital, kasunod sa pagpositibo sang doktor kag pagbatyag simtomas sang iban pa, pati na ang pila ka mga staffs sang bululngan.

Ginpasiguro ni Diaz nga kontrolado sa gihapon sang probinsiya ang sitwasyon kag ginatinguhaan nga indi maglab-ot sa punto nga magdamo ang mga doktor nga magpositibo sa virus.

Ginkalipay man ni Diaz nga nagnegatibo sa swab tests ang mga nurses, kag medical technologist nga naka close contact sang nagpositibo nga doktor. | Aksyon Marlon Genovea

MORE STORIES:

LIKE US ON FB

error: Ooops... You are not authorized to copy this content.