ADMIN AIDE SANG DEPED BACOLOD GIN DAKOP MATAPOS GIN ALEGAR GIN BUYAYAW ANG PULIS SA CHECKPOINT

Share on facebook
Share on google
Share on pinterest
Share on twitter
Share on print

Gindakop sang kapulisan ang isa ka administrative aide sang Department of Education (DepEd) sa syudad sang Bacolod matapos gin alegar ginbuyayaw ang mga frontliners nga nagabantay sa outer checkpoint sa Bacolod-Bago Border, dalan Araneta, Brgy. Sum-ag syudad sang Bacolod takna la una kaina sang kaagahon.

Ginkilala ni Police Station 9 Commander Police Lt. Gelbert Batiles ang nadakpan nga si Edwin Despares, 27 anyos, karun nagatinir sa syudad sang Bacolod apang ginpahayag nga tumandok sang Iloilo.

Suno kay Batiles, takna la 1 sang kaagahon sang nagapangalakatanon si Despares upod ang isa pa ka lalaki kag naglabay sa checkpoint.

Nagpakilala nga mga manunudlo ang duha ka mga lalaki apang sa gihapon ginpangayuan sang ID bilang pamatuod.
Ginpasugtan sang mga kapulisan ang duha nga makapauli apang napulo ka minutos ang nakaligad sang nagbalik si Despares kag gin alegar ginbuyayaw ang mga frontliners.

Ginhatagan sang verbal warning sang mga kapulisan si Despares apang suno kay Batiles wala ini nag-untat rasun kun ngaa gindakop.

Sa pagpangusisa ni Batiles nahibaloan nga si Despares isa ka administrative aide kag gikan sa banwa sang Pulupandan antis natabo ang insidente.

Ginpasakaan na sini nga hapon ang suspek sang kaso nga paglapas sa Executive Order No. 60 ni Bacolod City Mayor Evelio Leonardia, Article 151 sang Revised Penal Code kag Republic Act 11332.


Nagapanugyan si Despares sa mga publiko nga kooperasyon kag paghangop lamang ang kinahanglan agud malikawan ang kaangay nga insidente.

Si Despares ang yara karun sa custodial facility sang Police Station 9. | Aksyon John Diaz

MORE STORIES:

LIKE US ON FB

error: Ooops... You are not authorized to copy this content.