Nagpasalamat ang grupo sang mga manunudlo sa probinsya sang Negros Occidental matapos ginpaisol sa Oktubre 5 ang pagbukas sang klase para sa School Year 2020-2021.
Suno kay Dr. Gualberto Dajao sang Association of Concerned Teachers (ACT)-Negros Occidental, sign of relief sa bahin sang mga manunudlo ang pagpaisol sang klase bangud sang nagapadayon nga halit nga dulot sang COVID-19 pandemic.
Dugang pa ni Dajao, mahimo nga mas makapreparar ang mga manunudlo sa paghimo sang module kag mga pagtulun-an.
Nagalaum si Dajao nga sa mas madali nga panahon masolbar na ang problema sa COVID-19 agud mangin matawhay na ang palibot kag luwas na sa katalagman ang tanan agud mapadayon ang pagtuon sang mga estudyante.
Ang pagbukas sang klase sa Oktubre 5 ang kadungan man sang selebrasyon sang World Teachers Day. | Aksyon John Diaz