90% SANG COVID-19 CASES SA WESTERN VISAYAS MGA ASYMPTOMATIC

Share on facebook
Share on google
Share on pinterest
Share on twitter
Share on print

Masobra 90% sang mga Covid-19 cases sa Western Visayas ang mga asymptomatic ukon wala sang sintomas nga ginbatyag.

Sa pinakaulihe nga report nga gin pagwa sang DOH 6 subong nga hapon, ang Region 6 ang may 1, 794 ka Covid-19 cases, 852 diri ang naka recover, 918 ang aktibo nga kaso, kag 24 ang napatay.

Suno sa DOH 6, 34 ang bag-o nga naka recover sa masakit samtang may duha ang bag-o nga napatay sa Region 6 nga tanan taga Iloilo City.

Naga pakita sa record sang DOH 6 nga 90.52% sang mga kaso sa rehiyon ang asymptomatic, 7.52% ang may gina batyag nga Influenza-like Illness kag 1.96% ang gina kabig nga Severe Acute Respiratory Infection.

Nag panugyan si Dr. Renilyn Reyes, focal person sang DOH 6, nga indi dapat mag kampante apiesar nga kalabanan sang mga kaso sa rehiyon ang wala sang sintomas nga gina batyag.

Nag dangat sa 1,861 ka lab results ang ulihe nga nagwa kag 1,757 dire ang negatibo sa infection kag 93 ang nag positibo.

Nanguna ang Negros Occidental sa mga lugar sa Western Visayas nga may pinakadamo nga bag-o nga Covid-19 cases nga na report subong nga adlaw.

Ang Negros Occidental ang may 37 ka bag-o nga Covid-19 cases, sunod ang syudad sang Iloilo nga may 32, probinsya sang Iloilo nga may 16, syudad sang Bacolod nga may apat kag Antique nga may 2.

Ang mga kaso sa Negros Occidental ang gina lakipan sang 29 ka LSIs kag walo ang local case. Samtang ang mga bag-o nga kaso sa Bacolod ang tanan mga LSIs.

Gin report sang DOH nga may duha nga napatay sa Region 6 bangud sa masakit nga gina lakipan sang 78 anyos nga babaye sa Iloilo City kag 69 anyos nga lalaki nga taga San Juan, Molo. | Aksyon Dale Salazar

MORE STORIES:

LIKE US ON FB

error: Ooops... You are not authorized to copy this content.