Dakop ang siyam ka mga persona nga naaktuhan nagapustahanay sa billiards sa Buri Road, Purok 13, Brgy. Mandalagan syudad sang Bacolod.
Ang siyam ka mga nadakpan amo ang nagahampang kag nagataya sa billiards.
Suno kay Police Station 3 Commander Police Major Richard Fajarito, nakabaton sang impormasyon ang kapulisan nga may nagapustaanay sa billiards sa amo nga lugar kag gin alegar wala na nasunod ang mga health safety protocols.
Narekober sa bilyaran ang isa ka set sang billiard balls, duha ka mga tako sang billiards, kag tres mil (3,000) pesos nga kwarta.
Priso karun sa custodial facility Police Station 3 ang siyam ka mga gindakop para sa nagakaigo nga disposisyon kag pagpasaka sang kaso nga paglapas sa Presidential Decree 1602 ukon ilegal nga pagpanahor. | Aksyon John Diaz