9.8M NGA BALOR SANG MUNICIPAL POLICE STATION PAGATUKURON SA HINOBA-AN

Share on facebook
Share on google
Share on pinterest
Share on twitter
Share on print

Umpisa bulan sang Marso tuig 2021, may bag-o na nga Municipal Police Station ang banwa sang Hinobaan Negros Occidental.

Ini matapos aprubahan ang P9.8 milyones pesos nga pondo para diri, halin sa National Expenditure Program (NEP) Infra Project sang gobyerno nasyonal para subong nga tuig 2020.

Suno kay Mayor Ernesto Estrao, ini nga police station ang ipahamtang sa 600 square meters nga propeidad sang banwa sa Barangay Pook,  nga may  kapin 500 metros ang kalayuon halin sa munisipyo.

Dugang pa sang alkalde, nakighinun-anon na siya kay Acting Deputy Regional Director Police Brigadier General Patrick Villacorte,  PRO-6 Technical Working Group kag DILG Municipal Local Government Operations Officer Celso Nuñez angot sa amo nga proyekto.

Suno  kay Estrao, pagasugdan na ang construction sang building sa Enero 2021 kag target nga matapos sa sulod sang 62 diyas.

Ang  building nga ginahamtangan sang daan nga police station ang patahumon naman sang banwa kag himuon bilang talatapan sang Sanguniang Bayan. | Aksyon Marlon Genovea

23 KA MGA BALAY GINPAIDALUM SA GRANULAR LOCKDOWN SA MURCIA

Ginpaidalom sa granular lockdown ang 23 ka mga balay sa banwa sang Murcia matapos magpositibo ang pila ka mga residente sa lugar.

Nagpapanaug sang executive order si Murcia Mayor Gerry Rojas nga nagamando sa pagpaidalom sa critical zone sa 13 ka mga balay sa Purok Piña, Brgy. Zone 1 kag 10 ka mga balay sa Purok Golden Kamote, Brgy. Zone 2, epektibo Mayo 7 tubtob Mayo 17.

Bangud sini, ginmanduan ang barangay council, tanod kag mga kapulisan nga istrikto nga ipatuman ang mga health protocols.

Sa pinakahulihi nga datus sang Murcia Rural Health Unit, 410 na ang kumpirmado nga kaso sang COVID-19, kun sa diin 60 diri ang aktibo nga kaso. | Aksyon John Diaz

MORE STORIES:

LIKE US ON FB

error: Ooops... You are not authorized to copy this content.