Yara lamang sa 81 ka mga food delivery workers ang nag paidalum sa surveillance testing sang LGU sang Bacolod subong nga adlaw, Sabado.
Sa interview sang Aksyon Firing Line, gin pahayag ni Executive Assistant Ernesto Pineda, natingala sila bangud nag sugot man ang mga tiglawas sang kompaniya sa pag sinapol nga gin patigayon sang Bacolod EOC.
Sa datus ni Pineda, sa 81 ka nag paidalum sa testing, 57 ang mga riders sang Maxim.
Ang syudad ang naga hatag sang sticker nga may tatak nga ‘surveillance testing compliant’ para sa mga riders nga nag paidalum sa testing.
Suno kay Pineda, ang sticker ang patimaan nga ang rider nga naga deliver sang pagkaon sa isa ka lugar ang patimaan nga wala ini dala nga virus.
Naga laum si Pineda nga mag inabot sa Bacolod Respiratory Outpatient Center ang mga i-subject sa surveillance testing bwas nga adlaw Dominggo, tubtob sa Lunes nga adlaw.