8 SA 9 KA MGA EMPLEYADO SANG KAPITOLYO LIWAT NGA GIN PAIDALUM SA SWAB TEST

Share on facebook
Share on google
Share on pinterest
Share on twitter
Share on print

Walo sa siyam ka mga empleyado sang gobyerno probinsiyal sang Negros Occidental nga liwat gin swab test sa RT-PCR ang nagnegatibo sa Covid-19.

Suno kay Provincial Incident Managament Team (PIMT) Spokesperson Chacha Magallanes-Tan, ginahulat pa ang resulta sa RT-PCR test sang isa ka driver.

Liwat nga gin swab ang siyam bangud indi maklarohan ang resulta sa una nga swab test sa ila.

Dugang pa ni Tan, negatibo man sa virus ang tanan nga mga Executive Assistants ni Governor Bong Lacson, pati na ang asawa sang mga ini nga isa sa ila mga naka close contact.

Madamo sang mga staff kag key members sang Governors Office ang ginpaidalom sa swab testing, matapos magpositibo sa Covid-19 ang utility worker assign sa amo nga talatapan.

Sa contact tracing kag RT-PCR test nga ginpatigayon sa iban pa nga mga empleyado sa Governors Office kag iban nga departamento nga naka close contact sang utility worker, apat sa mga ini ang positibo sa Covid-19 kag subong yara sa isolation facility sang probinsiya. | Aksyon Marlon Genovea

MORE STORIES:

LIKE US ON FB

error: Ooops... You are not authorized to copy this content.