8 KA PERSONA GINDALA SA HOSPITAL MATAPOS GINDALASA SG PRIBADO NGA SALAKYAN ANG 4 KA MOTORSIKLO KAG ISA PA KA SALAKYAN

Share on facebook
Share on google
Share on pinterest
Share on twitter
Share on print

Nagbaliskad ang Toyota Innova nga salakyan kag nadalasa’ pa ang apat ka naka-park nga motorsiklo, isa ka Mazda pick up kag Honda City, matapos nadulaan sang kontrol ang driver bangod sa madanlog nga dalan sa National highway sang Crossing Guimoy, Barangay Tabao Baybay, banwa sang San Enrique las 4:05 sang hapon, dominggo.

Ginkilala ang driver sang Toyota innova sa kay Glemund Erasquin, 32 anyos kag pomuluyo sang Barangay Taculing, syudad sang Bacolod.

Suno kay Police Captain Renante Salgado, hepe sang San Enrique PNP, pakadto sa banwa sang Binalbagan si Erasquin upod sanday Joshua Balsamo, 20 anyos kag Jedith Toboso, 42 anyos, sang natabo ang aksidente.

Samtang, lima ka mga persona nga nagapasilong sa payag ang nagkalapilasan man sa amo nga aksidente.

Ang lima ginkilala nga sanday John Villanueva, 32 anyos; Aldy Javier, 41 anyos; Ashley Albert Villanueva, 30 anyos; Lestino Hang-in, 27 anyos tanan pomuluyo sang Barangay Balingasag, syudad sang Bago kag ang isa pa ginkilala kay Joy Rubin, 29 anyos nga pomuluyo sang Barangay. San Teodoro, banwa sang Binalbagan.

Karon sini, ang walo tanan gindala sa Valladolid District Hospital.

MORE STORIES:

LIKE US ON FB

error: Ooops... You are not authorized to copy this content.