7,531 KA NEGOSYO NAREHISTRO SA UNA NGA SEMANA SANG BOSS

Share on facebook
Share on google
Share on pinterest
Share on twitter
Share on print

Na rehistro sang syudad sang Bacolod ang 7, 531 ka mga negosyo sa una nga semana sang Bacolod Business One-Stop-Shop ukon BOSS ukon tubtob Enero 8, 2021.

Lakip na dire ang mga advance nga nag proseso sang Nobiembre 2020.

Base sa record sang Permit and Licensing Office, ang ini nga numero ang 31% sang 23, 545 nga total registration sang 2020.

Ini ang manubo sang 8% ikomparar sa 25, 637 total business registrants sang 2019.

Sa press release, gin pahayag ni Mayor Evelio Leonardia, nag lapaw sa ila gina paabot ang numero sang na rehistro nga negosyo tinalikdan nga tuig ilabi na nga may Covid-19 pandemic.

Para sa Alkalde, naga pabilin sa gihapon nga mataas ang business confidence sa syudad apiesar sang epekto sang pandemya.

Ang BOSS ang maga lawig tubtob Marso 31, 2021.

SILAYNON, NAKUHAAN SANG 60K SANG SUSPECTED SHABU

Masobra 60 mil ka pesos nga balor sang ginasuapetsuhan shabu ang narekober sang kapulisan sa buy-bust operation sa prk. Maninihon, Brgy Guinhalaran, syudad sang Silay, Biernes sang gab-i.

Gin kilala ang nadakpan kay  Roland Rojo, 34 anyos residente sang amo nga lugar.

Suno kay P/Maj. Rollie Pondevilla, hepe sang Silay PNP, si Rojo ang nalista bilang street level individual, kag naaktuhan nga nagbaligya sang ginasuspetsuhan shabu sa pulis nga poseur buyer.

Narekober sa suspek ang 7 ka plastic sachets sang ginasuspetsuhan shabu, ginabulubanta 10 gramos ang kabug-aton nga nagabalor sang 68 mil ka pesos. Si Rojo ang priso karon sa Silay City custodial facility. | Aksyon Alvin Grava

RESORT NGA NAGPATIGAYON SANG FOAM PARTY, GINPASIRA

Gin kumpirmar ni City Administrator kag EOC Executive Director Em Ang ang gin himo sang syudad nga pagpasira sang resort sa Barangay Pahanocoy syudad sang Bacolod nga nagpatigayon sang Foam Party pagkatapos sang blessing tinalikdan nga semana.

Suno kay Ang, base sa imbistigasyon nga gin patigayon sang EOC, klaro nga may yara sang na komitir nga bayolasyon ang pamunuan sang resort ilabi na nga wala nila gin pahibalo ang Punong Barangay sa lugar angut sa nga aktibidad magluwas lamang sa blessing activity nga ila gin pangayuan sang pahanugot.

Dugang pa ni Ang, nagpatigayon man sang inspection ang mga personnel sang Permits and Licensing Division sa lugar sa diin ila na diskobrehan nga ini ang wala pa sang kumpleto nga mga permit agud sa pag bukas sang ila operasyon.

Ang amo nga closure order ang gin serbe sang Biernes sang hapon, Enero 22 paagi sa talatapan sang City Legal Office kag Permits and Licensing Division. | Aksyon Art Tayhopon

MORE STORIES:

LIKE US ON FB

error: Ooops... You are not authorized to copy this content.