750,000 PESOS NGA BALOR SANG SHABU, NAKUHA SA TOP 10 HIGH VALUE INDIVIDUAL SANG RDEU

Share on facebook
Share on pinterest
Share on twitter
Share on print

Arestadu gin-alegar drug pusher paagi sa buybust operation las 5:30 sini nga hapon sa Bangga Escala, brgy Estefania syudad sang Bacolod.

Ang suspek ginkilala kay Romeo Salem, 36 anyos residente sang Purok Villa Villeta sa amo nga lugar. Suno Kay P/Lt. Glenn Soliman, team leader sang RDEU team 3, si Salem ang nalista bilang top 10 high value individual sang RDEU sa regional level.

Narekober sa suspetsadu ang 15 ka bulto sang ginasuspetsuhan shabu nga may 75 gramos ang kabug-aton kag may market value 750,000 pesos.

Si Salem ang ditinido karon sa costudial facility sang Police station number 4 kag nagapangatubang sang kaso nga pagbaligya kag paghupot sang ilegal nga droga sa idalom sang RA 9165.

What’s your Reaction?
+1
0
+1
0
+1
0
+1
0
+1
0
+1
0
+1
0

GOV. LACSON SA LGUs: ISTRIKTO NGA IPATUMAN ANG ENVIRONMENTAL LAWS

Ginpanawagan ni Governor Bong Lacson sa mga local government units (LGUs) nga istriktuhon ang pagpatuman sang environmental laws, labi na sa mga protected areas sa Negros Occidental.

Ini matapos matukiban ang ginpatukod kag operasyon sang resort sa Chocolate Hills Bohol nga isa ka protected area sa idalom sang Proclamation No. 1037 kag National Integrated Protected Areas System (NIPAS) Act of 1992.

Suno kay Lacson , ang mga estraktura ukon negosyo nga ginpatukod sa Don Salvador Benedicto nga sakop sang Northern Negros Natural Park kag ginproklamar nga Protected Area, ang kabahin lamang sa development sang banwa.

Nagapati ang gobernador, nga wala ginatugutan sang banwa ang mga illegal structures kag negosyo nga wala sang nagakaigo nga business permit.

Nagligad nga semana, nagtukod sang special investigation team ang Department of Interior and Local Government (DILG) agud imbestigahan kun may salabton ang mga lokal nga opisyal sa isyu nga pagtukod sang resort sa Chocolate Hills.

What’s your Reaction?
+1
0
+1
0
+1
0
+1
0
+1
0
+1
0
+1
0

TIYO, PATAY SANG GINTIRO SANG HINABLOS SA BARANGAY GRANADA

Patay ang 72 anyos nga tiyo matapos ginluthang sang iya hinablos sa Crossing Carmen, Barangay Granada, syudad sang Bacolod, Lunes sang gab-i, Marso 18, 2024.

Ang napatay ginkilala kay Rafael Cahina, napilasan man ang bata sini nga si Noel Cahina, 45 anyos samtang ang suspek ginkilala naman kay Jano Cahina, 35 anyos lunsay residente sang amo nga lugar.

Sa inisyal nga pagpangusisa ni PCapt. Portia Nillosan, hepe sang BCPO-Police station 5, ginaalegar ginsaway sang suspek ang iya tiyo matapos ginlawig sini ang iya karabaw sa duta sa Airsoft range nga ginabantayan sang suspek.

Ginpahayag man ni Nillosan, bangod man sa madugay nga dinumtanay, nagsabtanay pa ang magtiyo, rason nga nagkuha sang homemade shotgun si Jano Cahina kag ginluthang ang biktima.

Ginpahayag man ni Nillosan, nga ginhingagaw pa kon tani dala sa Corazon Locsin Montelibano Memorial Regional Hospital si Rafael apang gindeklarar nga dead on arrival basi sa deklarasyon ni Dr. Ellenfer Magbanua.

Ang biktima ang nakaangkon sang malubha nga pilas sa nawala nga bahin sang lawas samtang si Noel naman ang nakaangkon sang pilas sa nawala nga butkon.

Sa follow-up operation sang kapulisan, naaresto si Jano Cahina kag karon nahunong sa custodial facility sang Police Station 5 kag magapangatubang sang kaso nga Homicide.

What’s your Reaction?
+1
0
+1
0
+1
0
+1
0
+1
0
+1
0
+1
0

MORE STORIES:

LIKE US ON FACEBOOK

error: Ooops... You are not authorized to copy this content.