70 PORSIENTO, NAKAPROSESO NA SA PAYROLL PARA SA 14TH MONTH PAY KAG CASH GIFT

Share on facebook
Share on google
Share on pinterest
Share on twitter
Share on print

Bacolod City- 70 porsiento sang mga talatapan sa Bacolod Government Center ang nakaproseso na sang payroll para sa 14th month pay kag cash gift nga pagabatunon sang mga regular, co-terminus kag casual plantilla nga mga empleyado sang syudad.

Suno kay City Treasurer Giovanni Balalilhe, umpisa kahapon nga adlaw (Nobiembre 15) paga umpisahan ang pag release sang 14th month pay nga equivalent sa isa ka bulan nga sweldo kag 5 mil nga cash gift.

Samtang, ginpahayag naman ni City Councilor Caesar Distrito, chairman sang Committee on Finance and Appropriation, may Collective Negotiation Agreement ukon CNA bonus nga pagabatunon ang mga regular nga empleyado sang syudad sa bulan sang Disyembre.

Suno kay Distrito, ila pa gina hulat ang guideline sang Department of Budget and Management angut sa pag release sang CNA Bonus. Sang 2017, 25 mil nga CNA Bonus ang nabaton sang mga empleyado.

PFIZER NGA BAKUNA SANG NEGROS OCCIDENTAL PAGAUSARON UMPISA HUNYO 28

1,000 ka mga persona kada adlaw ang target nga mabakunahan sang Pfizer-BioNTech COVID-19 Vaccine sa Negros Occidental.

Suno kay Provincial Administrator Atty. Rayfrando Diaz II, maga umpisa  ang pagbakuna   sa Hunyo 28  tubtub Hulyo 2, 2021  sa duha ka mga gindesignar  nga vaccination sites.

Ini amo ang Teresita L. Jalandoni Provincial Hospital sa syudad sang Silay    kag Negros Residences sa syudad sang Bacolod.

May 300 ka mga tawo ang target nga mabakunahan sa Silay kada adlaw, samtang 700 naman sa Bacolod.

Gin-athag ni Diaz nga may 2 lamang ka vaccination areas nga gintalana ang probinsiya, bangud diri nahamtang ang Ultra Low Freezer  para sa Pfizer vaccines.  | Aksyon Marlon Genovea

POLICE STATION 9 NA AKTUHAN ANG MGA PAMATAN-ON NGA NAGPAMASYA SA MGA MOTORISTA SA BARANGAY SUM-AG

Ginkumpirmar sang kapulisan nga may grupo sang mga pamatan-on nga nagpang basya sang tubi sa mga motorista nga nagalabay sa taytay sang Barangay Sum-ag syudad sang Bacolod kadungan sang kapiestahan ni San Juan de Bautista, kaina sang udto, Hwebes.

Suno kay Police Station 9 Commander Police Major Ritchie Gohee, naga-inspeksiyon siya kag ang mga police personnel sang nakabaton sang tawag nga may mga kabataan nga may bitbit sang balde nga may unod sang tubi kag ginabasya sa mga naganilabay.

Ginrespondihan sang kapulisan ang lugar kag naaktuhan ang mga pamatan-on nga nagnilumpat sa suba matapos makita ang patrol sang kapulisan.

Kun madumduman, nagpagwa sang mando si Mayor Evelio Leonardia nga nagadumili sang basyahanay sang tubi kag iban pa nga aktibidad may angut sa kapiestahan ni San Juan de Bautista.

Samtang, ginpahayag naman ni Gohee nga compliant ang mga resort kag restaurant owners sa Barangay Punta Taytay syudad sang Bacolod.

Samtang, lubos nga gin pasalamatan ni Task Force Disiplina Action Officer Wilfredo Taba Geolingo ang gin pakita nga kooperasyon sang publiko angut sa selebrasyon sang ka piyestahan ni San Juan de Bautista.

Suno kay Geolingo, base sa ila gin patigayon nga operasyon kag monitoring sa mga beach resort lakip na sa mga kapehan kag kalan-an sa Barangay Granada kag Alangilan, gin klaro sini nga wala sila sang nakita nga ano man nga bayolasyon.

Dugang pa ni Geolingo, may yara gid man sang pila ka mga kabataan ukon mga menor de edad nga ila gin saway matapos magpaligo sa baybay ilabi na sa mga Barangay nga may yara sang nasakupan nga coastal area, apang ini nga concern ang ila gilayon naman nga gin aktuhan paagi sa pagpalab-ot sa atensyon sang natungdan nga mga ginikanan.| Aksyon John Diaz, Aksyon Art Tayhopon

MORE STORIES:

LIKE US ON FB

error: Ooops... You are not authorized to copy this content.