70 KA MGA EMPLEYADO SANG GSIS BACOLOD NEGATIBO SA COVID-19

Share on facebook
Share on google
Share on pinterest
Share on twitter
Share on print

Wala sang nag positibo sa Covid-19 sa 70 ka mga empleyado sang GSIS sa syudad sang Bacolod.

Ini suno kay City Administrator Em Ang matapos nga nag patigayon ang GSIS sang surveillance testing.

Suno kay Ang, may isa ka private company sa Bacolod nga nag patigayon man sang surveillance testing sa 1,800 ka mga empleyado kag apat lamang ang nag positibo.

Apiesar sini, suno kay Ang, ini ang manubo nga positivity rate.

Suno kay Mayor Evelio Leonardia,ang Bacolod ang isa sa mga LGUs nga naga patigayon sang mas agresibo nga surveillance testing.

Samtang, gin anunsyo ni Ang, nga all set na ang syudad sa surveillance testing sa transport sector kag food delivery workers sa maabot nga Nobiembre 28, 29, kag 30.

TAGA SAN CARLOS NGA NAGPANGAYAW BULANG SA CALATRAVA, POSITIBO SA COVID-19

Ginkumpirmar ni San Carlos City Mayor Rene Gustillo nga isa ka lalaki nga nagpamulang sa banwa sang Calatrava ang nagpositibo sa COVID-19.

Sa interview sa Aksyon Firing Line, ginpahayag ni Gustillo nga nadulaan sang panabor ang pasyente rason nga ginpaidalom sa swab test kag naggwa nga positibo sa virus.

Suno kay Gustillo, nagapadayon ang contact tracing sa syudad kag ginapanawagan sang alkalde sa mga nakakadto sa bulangan nga taga-San Carlos nga kon mahimo magpakig-angot sa syudad agod mahibaluan ang kondisyon kag madula ang kabala sa posible paglapta pa sang virus.

Sa karon, yara sa hospital ang pasyente kag limitado pa ang detalyi sang alkalde tungod ginahapo pa kon istoryahon ang nagpositibo nga ginabulubanta naga-edad sang masobra 60 anyos.

MORE STORIES:

LIKE US ON FB

error: Ooops... You are not authorized to copy this content.