Pito ka Sagaynon ang nagpositibo sa COVID-19, sa una nga schedule sang gintanyag nga libre nga RT PCR swab testing sang syudad para sa magapauli sa ila lugar sa holiday season.
Suno kay Atty. Ryan Bonghanoy, IATF head sang syudad, sadtong Disyembre 12, may 35 ang nagpaidalom sa swab test kag 6 diri ang nagpositibo sa virus kag sang Disyembre 13, may 55 ang nagpa swab test kag 1 ang nagpositibo.
Dugang pa ni Bonghanoy ang 7 ka nagpositibo ginkuha na sang lokal nga panguluhan sang syudad kag ginapaidalom sa karon sa 14 ka adlaw nga isolation.
Bwas nga adlaw, Disyembre 19 kag Disyembre 20 amo ang ulihi nga adlaw nga magapatigayon sang libre nga RT-PCR test kag ginapangabay ni Bonghanoy nga makig-angot sa LGU para sa swab testing nga patigayunon sa gihapon sa Benjamin Hall sa syudad sang Bacolod.