7 KA HIMATA SANG NAGTALIWAN NGA COVID-19 POSITIVE NAG NEGATIBO SA VIRUS

Share on facebook
Share on google
Share on pinterest
Share on twitter
Share on print

Nag negatibo sa Covid-19 infection ang pito ka mga himata sang nagtaliwan nga Covid-19 positive sa syudad sang Bacolod.

Ang Covid-19 positive nga nag taliwan nagligad nga Abril 9 ang isa ka 69 anyos nga lalaki nga residente sang Purok Sabes, Brgy. Villamonte, Bacolod City.

Suno kay Dr. Grace Tan, spokesperson sang Bacolod Inter-Agency Task Force, sa 9 ka mga may exposure sa nagtaliwan nga Covid-19 patient, pito ang nag negatibo sa RT-PCR Test samtang may duha pa ang pending ang resulta.

Dugang pa ni Tan, maga pabilin sa quarantine facility ang mga gin paidalum sa RT-PCR test kag dapat tapuson ang 14 dias nga quarantine period apiesar nga nag negatibo na sila sa virus.

Gin pahayag man ni Tan, wala pa naka abot ang resulta sang RT-PCR Test sang 28 ka mga returning OFWs nga karon naka facility quarantined sa isa ka accommodation establishment sa Barangay 7 kag Mayo 2 sang ila napadala ang swab specimen sa Iloilo.

Sa kabug-usan, 523 ka specimen ang napadala sa laboratoryo, 387 diri ang negatibo, siyam ang positibo samtang 126 ang pending. | Aksyon Dale Salazar

MORE STORIES:

LIKE US ON FB

error: Ooops... You are not authorized to copy this content.